अमरावती : अमरावती शहर पोलीस दलातील महिला कर्मचाऱ्यांना आता आठ तासाची ड्युटी देण्याचा निर्णय अमरावती पोलीस आयुक्त आरती सिंग यांनी घेतला आहे. चार तासांची ड्युटी कपात केल्याने महिला पोलिसांना दिलासा मिळाला आहे. त्याची अंमलबजावणी उद्यापासून होणार असून यात अमरावती शहर पोलीस आयुक्तालयातील २७५ महिला पोलीस अंमलदारांना या निर्णयाचा लाभ होणार आहे. ( now have eight hours duty four hours reduction)

नागपूर शहरात महिला पोलिसांना प्रायोगिक तत्त्वावर आठ तासाचा ड्युटीचा उपक्रम सुरू केल्यानंतर पोलीस महासंचालक संजय पांडे यांनी पोलीस घटकांनी या निर्णयाबाबत विचार करावा अशी सूचना केली होती. त्यानंतर पुणे ग्रामीण पोलिसांनीही महिला पोलिसांसाठी आठ तासांची ड्युटी जाहीर केली होती. त्यापाठोपाठ असा निर्णय घेऊन त्यावर अंमलबजावणी करणारे अमरावती शहर पोलीस आयुक्त पोलीस तिसरे घटक बनले आहे.

पोलीस दलात कर्तव्य करीत असलेल्या महिलांना बारा तास काम करावे लागते. त्यांना कामाबरोबरच कौटुंबिक जबाबदारी पार पाडावी लागते. अनेक वेळा सण-उत्सव बंदोबस्त गंभीर गुन्हे यानिमित्ताने वर्षभरातून अनेक वेळा १२ कसा विषय जास्त कर्तव्य बजावे लागते. त्यामुळे त्यांच्या कौटुंबिक जबाबदारीवर आणि कर्तव्यावर परिणाम होत असल्याचे निदर्शनास आले. त्यामुळे पोलीस विभागाने महिलांच्या बारा तासाच्या ड्युटीचा आता आठ तास केला आहे. आता महिलांना चार तासाची सवलत मिळाल्याने महिला कर्मचाऱ्यांमध्ये मोठा आनंद निर्माण झाला आहे.

तर सर्व पोलीस ठाण्याने हा उपक्रम राबविण्यात यावा व या निर्णयामुळे महिला पोलिसांना दिलासा मिळाला अशी प्रतिक्रिया अमरावतीच्या पालकमंत्री यशोमती ठाकूर यांनी दिली. (Amravati women police now have eight hours duty four hours reduction)

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here