आर्थिक गैरव्यवहार प्रकरणी अनिल परब यांना ईडीने दोनदा समन्स बजावले होते. याआधी ईडीने समन्स बजावल्यानंतर अनिल परब यांनी चौकशीसाठी १४ दिवसांची मुदत मागितली होती. ईडीने ही विनंती मान्य केली होती. त्यानंतर पुन्हा एकदा अनिल परब यांना समन्स बजावले होते. त्यानुसार अनिल परब आज चौकशीसाठी ईडी कार्यालयात हजर झाले आहेत. यावेळी त्यांनी मी शिवसेनाप्रमुखांची आणि माझ्या मुलींची शपथ घेऊन सांगितलं आहे की मी कोणत्याही प्रकारचं चुकीचं काम केलेलं नाही. चौकशीला मला जे प्रश्न विचारले जातील, त्याची उत्तर दिली जातील, असं म्हटलं आहे. हाच धागा पकडत भाजप आमदार नितेश राणे यांनी अनिल परब यांना जोरदार टोला लगावला आहे.
वाचाः
नितेश राणे यांनी एक ट्वीट केलं आहे. या ट्वीटमध्ये ते म्हणतात स्वर्गीय शिवसेनाप्रमुखांपेक्षा, आताच्या पक्षप्रमुखांची शप्पथ घेतली असती, तर परबांवर अजुन विश्वास बसला असता” असा टोला राणेंनी लगावला आहे. नितेश राणेंच्या या ट्वीटची सध्या जोरदार चर्चा आहे.
अनिल परब काय म्हणाले होते?
मला ईडीचे दुसरं समन्स मिळालं आहे. मी चौकशीला जात आहे. मी शिवसेना प्रमुखांची आणि माझ्या मुलींची शपथ घेऊन सांगितलं आहे की मी कोणत्याही प्रकारचं चुकीचं काम केलेलं नाही. चौकशीला मला जे प्रश्न विचारले जातील, त्याची उत्तर दिली जातील. मला अजूनही चौकशीसाठी का बोलवलं आहे हे मला माहिती नाही. पण चौकशीमध्ये पूर्ण सहकार्य ठेवण्याची माझी भूमिका असेल, असं अनिल परब यांनी स्पष्ट केलं आहे.
वाचाः
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
