जयहिंद चॅनलद्वारे खोट्या बातम्या तयार करून समाजमाध्यमांद्वारे मंत्री उदय सामंत व त्यांचे बंधू किरण सामंत यांची बदनामी करणाऱ्या मजकुराच्या बातम्या पाठवल्या. अशी फिर्याद मंत्री उदय सामंत स्वीय सहाय्यक व भाऊ महेश सामंत यांनी फिर्याद दाखल केली आहे. रत्नागिरी शहर पोलीस स्थानकात केलेल्या तक्रारीत असे म्हटले आहे की किरण सामंत यांच्या मोबाईलवर प्रदीप भालेकर जयहिंद न्यूज चॅनल मुंबई याने फोन करून किरण सामंत यांना आपल्याकडील बांधकाम व्यवसायातील कामे मला द्या असे सांगितले .
किरण सामंत यांनी याबाबत विचारणा केली असता, भालेकर यांनी मनात राग धरून जयहिंद चॅनलमधून खोट्या बातम्या तयार करून समाजमाध्यमांद्वारे आमदार उदय सामंत व किरण सामंत यांची बदनामी करू असे वक्तव्य करून फिर्यादी महेश सामंत यांचे सहकारी मनिष मोरे यांच्या मोबाइल फोनकॉल व व्हॉट्सअॅपवर कॉल करून व्हॉट्सअॅपच्या नंबरवर आमदार उदय सामंत व किरण सामंत यांच्याबदल बदनामी करणारा अत्यंत घृणास्पद मजकूर पाठवला.
इतकंच नाहीतर त्यांच्याकडे दहा लाख रुपयांची मागणी करून खोटा व बदनामीकारक मजकूर छापून समाजातील मंत्री उदय सामंत व किरण सामंत यांची प्रतिमा बिघडवून टाकेन अशी धमकी दिली. याबाबत रत्नागिरी पोलीस स्थानकात गुन्हा दाखल झाला असून अधिक तपास उपविभागीय पोलीस अधिकारी सदाशिव वाघमारे व शहर पोलीस निरीक्षक विनीत चौधरी करत आहेत. याप्रकरणी संशयिताविरोधात भां .द .वि. क ३८४,५०१,५०७ अन्वये गुन्हा दाखल करण्यात आला आहे.
Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times
