म. टा. प्रतिनिधी, सांगली

भारत आणि ऑस्ट्रोलिया महिला क्रिकेट संघांमध्ये क्वीन्सलँड येथे सुरू असलेल्या कसोटी सामन्यात दुसऱ्या दिवशी भारताची सलामीवीर स्मृती मंधानाने शतकी खेळी करत विक्रम रचला. या शतकामुळे गुलाबी चेंडूने खेळवण्यात येणाऱ्या कसोटी सामन्यात शतक झळकावणारी पहिली भारतीय महिला क्रिकेटपटू ठरली आहे. या कामगिरीनंतर तिच्या गावी म्हणजे सांगलीत मंधाना कुटुंबीयांसह क्रिकेटप्रेमींनी जल्लोष केला. सांगलीतील स्मृती कॅफेसमोर सांगलीकर फॅन्स आणि कुटुंबीयांनी फटाक्यांची आतिषबाजी करत मिठाईचं वाटप करून आनंद साजरा केला. (century by cricketer was celebrated by sanglikars with fireworks)

स्मृती मंधानानं या सामन्यात आपलं पहिलंच कसोटी शतक झळकावलं. ती गुलाबी बॉल टेस्टमध्ये शतक झळकावणारी पहिली महिला भारतीय क्रिकेटपटू ठरली आहे. या सामन्याच्या दुसऱ्या दिवशी स्मृतीनं १७१ चेंडूंमध्ये आपलं शतक साजरं केलं. गुरुवारी पहिल्या दिवशी पावसामुळे खेळ थांबला तेव्हा स्मृती शतकाच्या जवळ पोहोचली होती.

क्लिक करा आणि वाचा-
दुसऱ्या दिवशी म्हणजे शुक्रवारी सामना सुरु झाल्यानंतर तिने शतक झळकावले. तब्बल १५ वर्षांनंतर भारत आणि ऑस्ट्रेलिया महिला संघांमध्ये पुन्हा एकदा टेस्ट मॅच होत असताना स्मृतीनं आपल्या खेळीनं सामन्याची रंगत वाढवली. स्मृती मांधनाच्या धमाकेदार खेळीचं सर्वत्र कौतुक होत आहे.

क्लिक करा आणि वाचा-

स्मृती ही मूळची सांगलीची

स्मृती ही मूळची सांगलीची असल्याने शहरात सर्वत्र आनंदोत्सव साजरा करण्यात येत होता. स्मृतीच्या वडिलांनी फटाक्यांची आतिषबाजी करत एकच जल्लोष केला. स्मृतीने एक नवा विक्रम प्रस्थापित करून भारतीयांची, तसेच सांगलीकरांची मान उंचावली, अशी प्रतिक्रिया त्यांनी यावेळी दिली.

क्लिक करा आणि वाचा-

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here