aryan khan drugs case: कळस! सॅनेटरी नॅपकीन, औषधांच्या डब्यांमध्ये लपवलेली चरस; जाणून घ्या आर्यनने कुठे लपवलेले ड्रग्ज – aryan khan was carrying drugs in his lens boxes ncb reports

मुंबई: गोव्याला जाणाऱ्या क्रुझवर हायप्रोफाईल ड्रग्ज पार्टीमध्ये नार्कोटिक्स कंट्रोल ब्युरोने छापा टाकला. या कारवाईमध्ये बॉलिवूडचा सुपरस्टार शाहरुख खानचा मुलगा आर्यन खान सह आठजणांना अटक केली. सूत्रांनी दिलेल्या माहितीनुसार, एनसीबीने क्रुझवर केलेल्या छापेमारीमध्ये कोकेन, चरस, हशीश, एमडी सारखे अमली पदार्थ हस्तगत केले. आर्यनला एनडीपीएस अॅक्ट अंतर्गंत २७ कलमांतर्गंत अटक करण्यात आली आहे. अटक झाल्यानंतर आर्यनसह तिघांना जेजे इस्पितळात नेण्यात आले. तिथे त्यांची वैद्यकीय तपासणी करण्यात आली.

ढसाढसा रडला आर्यन खान, गेल्या चार वर्षांपासून घेतोय ड्रग्ज

अटक झाल्यानंतर आर्यनने निर्दोष असल्याचा दावा करत सोडून देण्याची विनंती केली होती. इतकेच नाही तर यापुढे असे न वागण्याचे आश्वासनही दिले. परंतु एनसीबीच्या अधिकाऱ्यांनी केलेल्या चौकशीमध्ये आर्यनने त्या पार्टीमध्ये ड्रग्ज घेतल्याचे कबूल केले. इतकेच नाही तर चार वर्षांपासून केवळ गंमत म्हणून ड्रग्ज घेत असल्याचे सांगितले.

ड्रग्ज नेण्यासाठी या गोष्टींचा वापर

कोकेन, चरस, हशीश, एमडी, एमडीएमएसारखे ड्रग्ज क्रूझवर आणण्यासाठी या पार्टीला आलेल्या प्रत्येकाने वेगवेगळ्या युक्त्या वापरल्याचे तपासात उघडकीस आले. कुणी कंबरपट्टा, अंतर्वस्त्र, सॅनेटरी पॅड आदी गोष्टींचा वापर केल्याची माहिती एनसीबीच्या सूत्रांनी दिली. पुरुषांच्या शर्टाची कॉलर, हाताच्या बाह्या, पॅन्टच्या कमरे जवळील शिलाई उसवून त्यात अमली पदार्थ ठेवले गेले. एवढेच नाही तर महिलांच्या हँडबॅगच्या हँडलमध्ये लपवून अमली पदार्थ नेले होते. आर्यनने डोळ्याला लावायच्या लेन्सच्या डब्यातून ड्रग्ज नेल्याचे समोर आले आहे. क्रुझचा प्रवास सुरू झाल्यानंतर या सर्वांनी ड्रग्ज बाहेर काढून त्याचे सेवन करायला सुरुवात केली. त्यानंतर क्रुझवर प्रवासी म्हणून गेलेल्या एनसीबीच्या अधिकाऱ्यांनी या सर्वांना रंगेहाथ अटक केली.

आर्यन खानची होऊ शकते तुरुंगात रवानगी, किती होईल शिक्षा

एनसीबीने आर्यनचा मोबाईल चेक केला. त्यावेळी ड्रग्ज पॅडलरसोबत आर्यनने केलेले चॅटिंग समोर आले आहे. यावरून आर्यनला ड्रग्ज घेण्याची सवय असल्याचे समोर आले आहे. आर्यनकडून १३ ग्रॅम कोकेन, ५ ग्रॅम एमडी, २१ ग्राम चरस आणि एमडीएमएच्या २२ गोळ्या मिळाल्या. याची किंमत १ लाख ३३ हजार रुपये इतकी आहे. आर्यन खान, अरबाज मर्चंट आणि मुनमुन धमेचासह आठ जणांना एनसीबी कोठडीत ठेवण्यात आदेश दिले होते. आर्यनचे वकीलपत्र सतीश मानेशिंदे यांनी घेतले आहे.

आर्यन खानला अटक झाल्यानंतर भाईजाननं घेतली शाहरुखची भेट

आर्यनला अटक झाल्यानंतर बॉलिवूडमधील अनेक कलाकारांनी त्याचे समर्थन केले आहे. रविवारी रात्री सलमान खानने शाहरुखच्या घरी जाऊन त्याची भेट घेतली. अनेक कलाकारांनी आर्यनला एक संधी मिळावी असे मत व्यक्त केले आहे.