हायलाइट्स:

  • आर्यन खान ड्रग्ज प्रकरणात क्रिप्टो करन्सीचा वापर झाल्याचा एनसीबीचा संशय
  • आर्यनसह सर्वांची आता त्या मुद्द्यावरून होणार चौकशी
  • आर्यन शाहरुख खानचा मुक्काम ७ ऑक्टोबरपर्यंत एनसीबीच्या कोठडीच

मुंबई: ड्रग्ज सेवन करणे आणि ते बाळगल्याप्रकरणी बॉलिवूडचा सुपरस्टार शाहरुख खान चा मुलगा आर्यन खान याला नार्कोटिक्स कंट्रोल ब्युरोने शनिवारी रात्री उशिरा मुंबईहून गोव्याला जाणाऱ्या क्रुझवरून अटक केली. आर्यनला ७ ऑक्टोबरपर्यंत एनसीबीच्या कोठडीत ठेवण्याचे आदेश न्यायालायने सोमवारी दिले आहेत. आर्यनचे वकीलपत्र प्रसिद्ध वकील सतिश मानशिंदे यांनी घेतले आहे. सोमवारी न्यायालयात मानेशिंदे यांनी आर्यनला जामिन मिळावा, यासाठी जे जे युक्तीवाद केले ते सर्व फोल ठरले.

बाबा बिझी असतात, भेटायला अपॉइंटमेन्ट घ्यावी लागते- आर्यन खान

याप्रकरणी एनसीबीने अनेक धक्कादायक खुलासे न्यायालयात केले आहेत. एनसीबीच्या मते आर्यन आणि इतर लोकांच्या मोबाईलमधून आक्षेपार्ह फोटो, व्हॉट्सअॅप चॅट मिळाले. केवळ इतकेच नाही तर ज्या क्रुझवरून या सगळ्यांना अटक केली त्या क्रुझवर जे ड्रग्ज होते त्याची खरेदी क्रिप्टो करन्सीद्वारे करण्यात आली होती. त्यामुळे आता एनसीबीचे अधिकारी आर्यन आणि इतर सर्वांची या मुद्द्यावरून चौकशी करणार आहेत.

आर्यन खान

एनसीबीला मिळालेल्या माहितीनुसार क्रुझवर काही लोकांनी ड्रग्जच्या नशेत गोंधळही घातला. त्यामुळे क्रुझवरील खिडक्यांचे नुकसान झाले. पहिल्यांदा जेव्हा क्रुझवर छापा घातला तेव्हा आर्यन खान, अरबाज मर्चंट, मुनमुन धामीचा यांच्यासह आठ जणांना ताब्यात घेतले. तर दुसऱ्यांदा जेव्हा छापा घातला तेव्हा देखील आणखी आठ जणांना अटक करण्यात आली.

आर्यन खानचे वकील सतीश मानेशिंदे यांनी न्यायालयात युक्तीवाद केला की, ‘व्हॉट्सअॅप चॅटवरून हे सिद्ध होत नाही की, आर्यननेदेखील ड्रग्ज घेतले. जर या चॅटमध्ये ड्रग्ज संदर्भात कुणाशी बोलणे झाले असले तरी त्याचा अर्थ असा होत नाही की आर्यननेदेखील अमली पदार्थांची तस्कीर केली. आर्यनकडून कोणत्याही प्रकारचे ड्रग्ज मिळालेले नाही. त्याच्याजवळ क्रुझचे तिकीटही नव्हते. आर्यनला वाटले तर संपूर्ण क्रुझही खरेदी करू शकतो. हे प्रकरण क्रुझवर ड्रग्ज विकण्याचे नाही.’

फाइव्ह स्टारमध्ये जेवणारा आर्यन आता खातोय डाळ- भात

या कलमांतर्गंत झाली कारवाई

आर्यन खानवर एडीपीसी ८ क, २० बी, २७ आणि ३५ कलमांतर्गंत कारवाई करण्यात आली आहे. याच कलमांखाली आर्यनला अटक झाली आहे. आपण ड्रग्जचे सेवन केले असल्याची कबुली खुद्द आर्यनने स्वतःहून दिली आहे. आर्यनकडून १३ ग्रॅम कोकेन, ५ ग्रॅम एमडी, २१ ग्रॅम चरस आणि एमडीएमए च्या २२ गोळ्या मिळाल्या आहेत. या सर्वांची किंमत सुमारे १ लाख ३३ हजार रुपये इतकी आहे.

आर्यन खान

अशी झाली कारवाई

मुंबईहून गोव्याला जाणाऱ्या क्रुझवर ड्रग्ज पार्टी होणार असल्याची टीप एनसीबीच्या मुंबई विभागाचे संचालक समीर वानखेडे यांना मिळाली. त्यानुसार त्यांनी २ ऑक्टोबर रोजी त्यांचे काही सहकारी प्रवासी म्हणून क्रुझवर दाखल झाले. याचे भाडे प्रतिमाणसी ८० हजार रुपये इतके होते. ही क्रुझ मुंबईहून गोव्याकडे रवाना झाल्यानंतर हायप्रोफाईल ड्रग्ज पार्टी सुरू झाली. त्यावेळी एनसीबीच्या अधिकाऱ्यांनी या सर्वांना रंगेहाथ अटक केली. त्यामध्ये आर्यन खानसह आठजणांचा समावेश होता.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here