हायलाइट्स:

  • ZP निवडणुकांमध्ये शिवसेनेला सर्वात मोठा धक्का
  • खासदारांच्या मुलाचा भाजपकडून दारुण पराभव
  • शिवसेनेला आगामी निवडणुकांच्या काळात याचा मोठा फटका बसू शकतो?

पालघर : राज्यात जिल्हा परिषद आणि पंचायत समितीच्या निवडणुकांचा सध्या धुराळा सुरू आहे. जिल्हा परिषद निवडणुकीतील सर्वात मोठी बातमी सध्या समोर येत आहे. हाती आलेल्या माहितीनुसार, शिवसेना खासदार राजेंद्र गावित यांना मोठा धक्का बसला आहे. पालघर जिल्हा परिषद निवडणुकीमध्ये राजेंद्र गावित यांचा मुलगा रोहित गावित हा निवडणुकीसाठी उभा होता. पण त्याचा पराभव झाला आहे.

वणई गटात भाजपचे पंकज कोरे यांनी खासदार राजेंद्र गावित यांच्या मुलाचा दारुण पराभव केला. हाती आलेल्या माहितीनुसार, पंकज कोरे हे विजयी झाले असून ४१२ मतांनी पंकज कोरे यांनी विजय पटकावला आहे. राजेंद्र गावित यांच्या मुलाला म्हणजेच रोहित गावित या वणई गटातून उमेदवारी देण्यात आली होती. पण इथे जनतेनं त्यांना नाकारलं आहे. त्यामुळे याचा थेट फटका शिवसेनेला बसणार असल्याची राजकीय चर्चा सुरू आहे.

खरंतर, रोहित गावित यांचा जनतेशी कोणत्याही प्रकारचा जनसंपर्क नव्हता. तरीही त्याला तिकीट देण्यात आलं होतं. त्यामुळे शिवसेनेसाठी ही मोठी पोकळी मानली जाते. शिवसेनेला आगामी निवडणुकांच्या काळात याचा मोठा फटका बसू शकतो.

दसरा मेळावा यंदाही ऑनलाइन होणार?; संजय राऊतांनी केलं मोठं विधान

दरम्यान, सर्वोच्च न्यायालयाच्या निर्देशानुसार धुळे, नंदुरबार, अकोला, वाशीम, नागपूर आणि पालघर या ६ जिल्हा परिषदा व त्यांतर्गतच्या ३८ पंचायत समित्यांतील नागरिकांच्या मागास प्रवर्गातील सदस्यांची पदे रद्द करण्यात आली होती. त्यामुळे या ६ जिल्हा परिषदेच्या ८५ निवडणूक विभागांची आणि पंचायत समित्यांच्या १४४ निर्वाचक गणांतील जागा रिक्त झाल्या होत्या.

प्राथमिक माहितीनुसार जिल्हानिहाय झालेल्या मतदानाची टक्केवारी अशी:

धुळे- ६० टक्के
नंदुरबार- ६५ टक्के
अकोला- ६३ टक्के
वाशीम- ६५
नागपूर- ६०
पालघर- ६५.
मतदानाची एकूण सरासरी- ६३ टक्के

‘मी तुझ्यावर प्रेम करतो’ म्हणत केला भयंकर प्रकार, विवाहित महिलेचे लैंगिक शोषण करून व्हिडिओ पाठवला पतीला

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here