suhana khan shahrukh khan: भावाच्या अटकेनंतर आता सुहाना खान चर्चेत, ट्रोलर्सपासून वाचण्यासाठी लढवली अनोखी शक्कल – aryan khan drug case suhana khan closed comment section to avoid trolls

मुंबई– बॉलिवूड सुपरस्टार शाहरुख खान याचा मुलगा आर्यन खान सध्या एनसीबीच्या ताब्यात आहे. मुंबईहून गोव्याला जाणाऱ्या एका क्रूजवर अमली पदार्थांचं सेवन केल्याबद्दल आर्यनला अटक करण्यात आली. आर्यनसोबत आणखी सात जणांवर कारवाई करण्यात आली. ७ ऑक्टोबरपर्यंत आर्यनला एनसीबी कोठडी सुनावण्यात आली आहे. भावाच्या अटकेनंतर शाहरुखची मुलगी सुहाना खान नेटकऱ्यांच्या निशाण्यावर आली आहे.आर्यनला अटक झाल्यानंतर नेटकऱ्यांनी सुहानाला निरनिराळे प्रश्न विचारून भंडावून सोडलं आहे.

टप्पूने शेअर केला नट्टू काकांचा मृत्यूपूर्वीचा फोटो, म्हणाला..

सुहाना सध्या परदेशात असून ती तिचं शिक्षण पूर्ण करत आहे. सुहाना सोशल मीडियावर सक्रिय असते. सुहाना तिच्या मैत्रिणीसोबतचे फोटो चाहत्यांसोबत शेअर करत असते. परंतु, आर्यनच्या अटकेनंतर जणू सुहानाचे ग्रह देखील फिरले. नेटकऱ्यांनी सुहानाला आर्यनबद्दल आणि तिच्या घरातल्यांबद्दल निरनिराळे प्रश्न विचारून ट्रोल करायला सुरुवात केली. यावर उपाय म्हणून सुहानाने ठोस निर्णय घेत इन्स्टाग्राम अकाउंटचं कमेंट सेक्शन बंद केलं. जेणेकरून कुणीही तिच्या फोटोंवर वाईट कमेंट करून सुहानाला मानसिक त्रास देऊ नये.

सुहानाच्या या निर्णयाची देखील सोशल मीडियावर जोरदार चर्चा आहे. सुहानाच्या या निर्णयाची युझर्स थट्टा करत आहेत. तर दुसरीकडे आर्यन सध्या एनसीबीच्या ताब्यात आहे. ७ ऑक्टोबर रोजी पुन्हा एकदा आर्यनला न्यायालयात नेण्यात येणार आहे. आर्यनच्या अटकेनंतर शाहरुखच्या कुटुंबाकडून कोणतीही प्रतिक्रिया समोर आलेली नाही.

Drugs Case- अरबाज मर्चंटच्या वडिलांनीच केलं NCB चं कौतुक