सिंधुदूर्ग : आजपासून नवरात्री उत्सवाला (Navratri Festival) सुरुवात झाली आहे. करोनाचे निर्बंध शिथिल करताना ७ ऑक्टोबरपासून शासनाने प्रार्थना स्थळे उघडण्याचा निर्णय घेतला आहे. परंतु सिंधुदुर्ग जिल्ह्यातील मालवणमधील मसुरे गाव इथं असलेल्या आंगणेवाडी येथील भराडी देवी मंदिरात प्रति वर्षाप्रमाणे ७ ते २४ ऑक्टोबरपर्यंत बंद राहणार आहे.

या कालावधीत घटस्थापनेसोबत पारंपारिक, धार्मिक पूजा विधी होणार असल्याने नवस करणे, नवस फेडणे, ओटी भरणे आदी विधी बंद राहणार आहेत. त्यामुळे भाविकांसाठी या काळात भराडी देवीचं दर्शन बंद असणार आहे. मात्र, २५ ऑक्टोबरपासून करोना प्रतिबंधक नियमांचे काटेकोर पालन करून भाविकांना भराडी देवीचे दर्शन घेता येईल.

इतकंच नाहीतर, भाविकांनी सहकार्य करण्याचे आवाहन आंगणे कुटुंबीय आंगणेवाडी यांच्या वतीने करण्यात आले आहे. खरंतर, राज्यात करोनामुळे प्रत्येक सण हा साधेपणाने साजरा करावा लागत आहे. राज्यातील करोना (Coronavirus) प्रतिबंधासाठीचे कडक निर्बंध शिथिल करण्यात आले असले तरी देखील यंदाच्या गणेशोत्सवाप्रमाणेच नवरात्रोत्सवदेखील (Navratri Festival) अत्यंत साध्या पद्धतीने साजरा करण्याच्या सूचना मुंबई महानगरपालिकेने सर्व सार्वजनिक नवरात्रोत्सव मंडळांना केल्या आहेत. महानगरपालिकेने या बाबत नियमावली जारी केली आहे.
मंदिरांची दारे आज उघडणार; दर्शनाला जाण्यापू्र्वी ‘हे’ नियम लक्षात असू द्या
महानगरपालिकेने जारी केलेल्या नियमावलीनुसार सार्वजनिक नवरात्रोत्सवासाठी मंडळांना पूर्वपरवानगी घेणे आवश्यक असणार आहे. मंडळांना ही पूर्वपरवानगी सहज घेता यावी यासाठी ऑनलाईन परवानगी यंत्रणा तयार करण्यात आली आहे. ही यंत्रणा २३ सप्टेंबरपासूनच सुरू करण्यात आली आहे. यंदा कोरोना साथीचा विचार करता मंडळांना ही परवानगी विनाशुल्क घेता येणार आहे.

नवरात्रोत्सावासाठी महापालिकेची नियमावली

> सार्वनिक मंडळांच्या देवीच्या मूर्तीची उंची ४ फुटांहून अधिक नसावी
> घरगुती तसेच सार्वजनिकरीत्या स्थापन करण्यात येणाऱ्या देवमूर्तींची सजावट साधेपणाने करावी.
> सार्वजनिक मंडळांकरिता देवीच्या मूर्तीची उंची ४ फूट, तर घरगुती मूर्ती २ फुटांपेक्षा अधिक नसावी.
> देवीची मूर्ती शाडूची असल्यास विसर्जन घराच्या घरीच करावे. असे केल्याने आगमन/विसर्जनाची गर्दी टाळता येऊ शकते.
> तसेच सार्वजनिक देवीमूर्तींच्या आगमनाच्यावेळी आणि विसर्जनाच्या वेळी १० पेक्षा जास्त लोकांना परवानगी नाही. त्यांनी कोविड नियमांचे काटेकोर पालन करणे आवश्यक. या पाच जणांनी शक्यतो कोरोना लसीचे दोन डोस घेतलेले असावेत. तसेच दुसरा डोस घेऊन १५ दिवसांचा कालावधी झालेला असावा.

घटस्थापना : नवरात्री प्रारंभ, नातलगांना द्या नवरात्रोत्सवाच्या खास शुभेच्छा

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here