धुळे: तालुक्यातील शिरुड गावातील सेंन्ट्रल बँक ऑफ इंडियाचे एटीएम मशीन दरोडखोरांनी चोरून नेल्याची घटना घडली आहे. पोलिसांनी या प्रकरणी तपास सुरू केला असून चोरट्यांच्या शोधासाठी पथक रवाना झाले आहे.
वाचा:
पहाटे अडीच वाजण्याच्या सुमारास ही घटना घडली. बँकेच्या एटीएममध्ये पैसे भरणाऱ्या ईपीएस कंपनीचे व्यवस्थापक प्रवीण सुधाकर पाठक यांनी या प्रकरणी फिर्याद दिली आहे. तक्रारीनंतर पोलिसांनी घटनास्थळी धाव घेऊन तेथील सीसीटीव्ही ताब्यात घेतले. सीसीटीव्ही फूटेजमध्ये चोरट्यांची छबी दिसत आहे. हे चोरटे महिंद्रा पिक-अप व्हॅनमधून एटीएम मशीन घेऊन जाताना दिसत आहेत. चोरीला गेलेल्या एटीएम मशिनमध्ये १४ लाखांपेक्षा अधिक रोख रक्कम असल्याचा प्राथमिक अंदाज वर्तविण्यात आला आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
