us submarine accident in south china sea: अमेरिकेला धक्का; चीनजवळ आण्विक पाणबुडीचा रहस्यमय अपघात, ११ जखमी – us submarine accident in south china sea submarine hits underwater object

बीजिंग/वॉशिंग्टन: तैवान आणि चीन दरम्यान असलेल्या तणावाच्या पार्श्वभूमीवर अमेरिकन नौदलाला मोठा धक्का बसला आहे. दक्षिण चीन समुद्रात अमेरिकन नौदलाची आण्विक पाणबुडीचा अपघात झाला आहे. दक्षिण चीन समुद्रातील एका अज्ञात रहस्यमय वस्तूला धडकल्याने हा अपघात झाला. या अपघातात नौदलाचे ११ जवान जखमी झाले आहेत. अमेरिकेच्या पॅसिफिक महासागराच्या आरमाराने गुरुवारी सांगितले की, अपघातावेळी अमेरिकेची पाणबुडी ही आंतरराष्ट्रीय समुद्र सीमेत होती.

अमेरिकन नौदलाने आपल्या संक्षिप्त निवेदनात सांगितले की, युएसएस कनेक्टिकट आण्विक पाणबुडी अपघातानंतर स्थिर असून आण्विक संयंत्राचे कोणतेही नुकसान झाले नाही. अमेरिकन नौदलाने हा अपघात नेमका कुठं झाला याची माहिती दिली नाही. मात्र, युएसएनआय न्यूजने दिलेल्या माहितीनुसार दक्षिण चीन समुद्रात हा अपघात झाला.

तैवाननंतर चीनला या लहान देशाने दिला इशारा; राजदूताला बोलावणे धाडले

मागील काही महिन्यांपासून दक्षिण चीन समुद्रात तैवान आणि इतर देशांवर चीनकडून दादागिरी सुरू आहे. तैवानच्या मदतीला अमेरिकन नौदलाकडून या भागात आपले एअरक्राफ्ट कॅरिअर आणि आण्विक पाणबुडी या भागात सातत्याने पाठवत आहे.

डोनाल्ड ट्रम्प म्हणाले, अमेरिका आणि चीनमध्ये होईल युद्ध, सांगितले ‘हे’ कारण!
अमेरिकन नौदलाने या अपघाताची चौकशी करणार असल्याचे म्हटले आहे. अपघात झालेल्या पाणबुडीची लांबी ३५३ फूट आहे. वर्ष १९८८ मध्ये अमेरिकन नौदलात या पाणबुडीचा समावेश करण्यात आला होता. दक्षिण चीन समुद्रात झालेल्या या अपघातानंतर अनेक चर्चांना उधाण आले आहे.