China warn us on taiwan: तैवान आमचा अंतर्गत मुद्दा, इतरांनी लुडबूड करू नये; चीनची धमकी – china warn us on taiwan reunification must be fulfilled said xi jinping

बीजिंग: तैवानचा भूभाग बळकावण्यासाठी चीनने जोरदार प्रयत्न सुरू केले आहेत. मागील काही महिन्यांपासून चीनकडून वेगवेगळ्या पद्धतीने तैवानवर दबाव टाकला जात आहे. तैवानच्या मुद्यावर चीनने इतर देशांना इशारा दिला आहे. तैवानच्या मुद्यावर इतर देशांचा हस्तक्षेप खपवून घेतला जाणार नसल्याचे चीनचे राष्ट्रपती शी जिनपिंग यांनी म्हटले आहे. तैवानवर ताबा मिळवण्यासाठी प्रसंगी लष्करी बळही वापरू असेही चीनने म्हटले आहे.

चीनचे राष्ट्रपती शी जिनपिंग यांनी म्हटले की, कोणत्याही देशाला आमच्या अंतर्गत मुद्यावर भाष्य करण्याचा अधिकार नाही. चीन-तैवानचे एकीकरण होणार असल्याचेही त्यांनी म्हटले.

अमेरिकेला धमकी?

राष्ट्रपती शी जिनपिंग यांनी केलेले वक्तव्य हे अमेरिकेलाच धमकी असल्याचे म्हटले जात आहे. मागील वर्षभरापासून तैवानच्या मुद्यावर दोन्ही देशांमध्ये तणाव निर्माण झाला आहे. अमेरिकेचे राष्ट्राध्यक्ष जो बायडन यांनी चीनला तैवान कराराचे पालन करण्याचे आवाहन केले आहे. मागील महिन्यात झालेल्या चर्चेत चीनच्या राष्ट्रपतींना तैवान कराराचे पालन करणार असल्याचे म्हटले होते. मात्र, आता चीनने तैवान हा आमचा अंतर्गत मुद्दा असून कोणत्याही देशाचा हस्तक्षेप सहन करणार नसल्याचे म्हटले.

आमच्या देशावर हल्ला केल्यास आशियाचा विनाश होईल; चीनला ‘या’ देशाचा इशारा
लष्करी बळाचा वापर करण्याची धमकी

तैवान स्वत:ला स्वतंत्र देश म्हणत असला तरी चीनचाच तो भूभाग आहे. चीनसोबत तैवानचे एकत्रिकरण करण्यासाठी लष्करी बळाचा वापर करण्यासही मागे हटणार नसल्याचे जिनपिंग यांनी म्हटले.

अमेरिकेला धक्का; चीनजवळ आण्विक पाणबुडीचा रहस्यमय अपघात, ११ जखमी
मागील आठवड्यात चीनच्या जवळपास १५० लढाऊ विमानांनी तैवानच्या हवाई हद्दीत घुसखोरी केली होती. त्यानंतर तैवान, अमेरिकेने चिंता व्यक्त केली. चीनने तैवानवर हल्ला केल्यास त्याचे गंभीर परिणाम होतील असा इशारा तैवानने दिला.