| महाराष्ट्र टाइम्स | अपडेट केलेले: 11 ऑक्टोबर, 2021, सकाळी 11:15 AM

करोनाच्या नियमांचं पालन करत भक्तजण देवीच्या दर्शनाला जात असतात. पण यातच एक धक्कादायक घटना समोर आली आहे. तीन मुली आईसोबत दर्शनावरून परतत असताना असा काही अपघात झाला की यामध्ये आईचा दुर्दैवी मृत्यू झाला आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

अमरावती बातम्या

हायलाइट्स:

  • ३ मुलींनी डोळ्यांदेखत पाहिला आईचा मृत्यू
  • देवीच्या दर्शनावरून परतत असताना घडला भयंकर प्रकार
  • ऐन नवरात्रीत काळाजाचा ठोका चुकावणारी घटना

मनमाड : करोनाचा धोका असल्यामुळे यंदाही नवरात्र साध्या पद्धतीने साजरी करण्यात येत आहे. पण मंदिरं खुली केल्यामुळे भक्तांसाठी देवीच्या दर्शनासाठी एक चांगली संधी आहे. करोनाच्या नियमांचं पालन करत भक्तजण देवीच्या दर्शनाला जात असतात. पण यातच एक धक्कादायक घटना समोर आली आहे. नांदगावमधील रेल्वे अंडरपासमध्ये (सब-वे) पाणी साचल्याने जीव धोक्यात घालून रूळ ओलांडणाऱ्या महिलेचा रविवारी पहाटे रेल्वेखाली सापडून अपघाती मृत्यू झाला.

संबंधित महिला आपल्या मुलींसह एकवीरा देवीचे दर्शन घेऊन परतत असताना हा अपघात झाला. या अपघातात महिलेच्या तीन मुली आणि एक महिला बचावली आहे. मिळालेल्या माहितीनुसार, स्वाती शिंदे (वय २५, रा. रेल्वे वसाहत, आनंद नगर, नांदगाव) असे मृत महिलेचे नाव आहे. त्या आपल्या तीन मुली आणि सुवर्णा मोरे यांच्यासह रविवारी पहाटे सहाच्या सुमारास एकवीरा देवीच्या दर्शनासाठी गेल्या होत्या. तेथून परतत असताना हा अपघात झाला.
महाराष्ट्र बंदच्या पार्श्वभूमीवर राज्यपालांचा गडचिरोली दौरा; पोलिसांचा चोख बंदोबस्त
नांदगावमधील रेल्वेच्या सब-वेमध्ये पावसाचे पाणी साचल्याने हे सर्व जण रेल्वे रुळ ओलांडून जात होते. याचवेळी मनमाडकडून चाळीसगावकडे जाणाऱ्या ‘महाराष्ट्र एक्स्प्रेस’खाली स्वाती शिंदे सापडल्या. नगरसेवक नितीन जाधव मुंबईला जाण्यासाठी रेल्वे स्थानकाच्या दिशेने येत होते. त्यांनी आरडाओरड करून रूळ ओलांडणाऱ्या महिलांना सावध करण्याचा प्रयत्न केला. मात्र, स्वातीचे प्राण ते वाचवू शकले नाहीत. या घटनेनंतर नागरिकांनी रविवारी रेल्वे सुरक्षा बल कार्यालयासमोर ठिय्या आंदोलन केले. सायंकाळी शोकाकुल वातावरणात संबंधित महिलेवर अंत्यसंस्कार करण्यात आले.
‘पोलीस स्वत: दुकानं बंद करायला सांगताहेत, ही कुठली पद्धत? हे कुठलं राज्य?’

जवळच्या शहरातील बातम्या

मराठी बातम्या अॅप: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

वेब शीर्षक: देवीच्या दर्शनावरून परतताना ट्रेनखाली पडून महिलेचा मृत्यू
मराठी बातम्या महाराष्ट्र टाइम्स, टीआयएल नेटवर्क कडून

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

8 COMMENTS

LEAVE A REPLY

Please enter your comment!
Please enter your name here