नागरिकांनो! तुमचं अकाऊंट रिकामं करणारे अखेर सापडले, ‘या’ राज्यात बसले होते लपून – two arrested in bihar in atm clone case cyber cell joint action of lcb

यवतमाळ : शहरातील दोन एटीएमला क्लोनचा फटका बसल्याने अनेकांच्या खात्यातील रक्कम परस्पर लंपास होत असल्याच्या एक पाठोपाठ एक घटना समोर आल्या होत्या. अखेर या गुन्ह्याचा तपास करण्यात सायबर सेल आणि एलसीबीला यश आले असून सोमवार, दि. ११ ऑक्टोंबरला बिहार राज्यातील दोघांना ताब्यात घेण्यात आले आहे. सुकेशकुमार अनिल सिंग वय २१ वर्ष रा.एकना ता. हिसवा जि. नवाद आणि सुधीरकुमार निर्मल पांडे वय २९ वर्ष रा. मोहल्ला कल्यानपुर ता. बडकी डेल्हा जि. गया बिहार अशी ताब्यात घेण्यात आलेल्या दोघांची नावे आहे.

गेल्या काही दिवसांत बँकिंग क्षेत्रात फसवणुकीचे धक्कादायक प्रकार समोर आले आहे. असंच एक एटीएम कार्ड क्लोनिंगचं प्रकरण समोर आल आहे. यवतमाळ शहरातील आर्णी नाका परिसरात असलेल्या साई सत्यज्योत मंगल कार्यालयजवळ एक एसबीआयची एटीएम मशीन आहे. या मशीनला क्लोन बसविण्यात आले होते. त्यामुळे अनेकांचे पैसे परवानगी किंवा ओटीपी न घेता परस्पर काढले जात आहे. ज्या व्यक्तींनी दि. १३ सप्टेंबर ते १५ सप्टेंबर दरम्यान या एटीएम मशीनचा वापर केला, त्यांनी तातडीने आपले एटीएम कार्ड ब्लॉक करावे, असे आवाहन चक्क सायबर सेलकडून केले जात आहे. त्यानतर एका पाठोपाठ एक तक्रारअवधुतवाडी पोलिस ठाण्यासह सायबर सेलकडे नागरिकांनी केल्या होत्या. या प्रकरणी ज्ञानेश्वर देरबेशवार वय ६४ वर्ष रा. सत्यनारायण नगर, वडगाव यांच्या तक्रारीवरून अवधुतवाडी पोलिस ठाण्यात गुन्हा नोंद करण्यात आला होता.

शिवसेना खासदार भावना गवळींच्या अडचणीत वाढ, ईडीची ३ पथकं वाशिममध्ये दाखल
वाढत्या एटीएम क्लोनच्या घटना लक्षात घेता सायबर सेल आणि एलसीबी पथकाने या टोळीच्या शोधमोहीम सुरू केली. अश्यात या टोळीतील सदस्य बिहार राज्यातील असल्याचे समोर आले. त्यावरून सायबर सेल आणि एलसीबी पथकातील अधिकारी, कर्मचाऱ्यांनी एक पथक तयार करीत बिहार गाठले. दरम्यान एटीएम क्लोन करणाऱ्या टोळीची शोधमोहीम राबवून दोन जिल्ह्यातून सुकेशकुमार अनिलकुमार उर्फ सिंग आणि सुधीरकुमार स्व. निर्मल पांडे या दोघांना ताब्यात घेतले. या दोघांकडून पोलिसांनी एक इंटरर्नल एटीएम स्कॅनर, एक हॅन्ड एटीएम स्कॅनर, एक बनावट एटीएम तयार करण्यासाठी लागणारे स्किमर, १५ एटीएम, आणि इतर साहित्य असा एकूण एक लाख २८ हजार ४५० रूपयाचा मुद्देमाल जप्त करण्यात आला. सोमवारी अवधुतवाडी पोलिस ठाण्यातील सहायक पोलिस निरिक्षक धिरेंद्रसिंग बिलावल यांनी त्या दोघांना न्यायालयात हजर केले असता, न्यायालयाने दि. १४ ऑक्टोंबरपर्यंत पोलिस कोठडी सुनावली आहे.

ही कारवाई जिल्हा पोलिस अधिक्षक डॉ. दिलीप पाटील भुजबळ, अपर पोलिस अधिक्षक डॉ. खंडेराव धरणे, एलसीबी प्रमुख पोलिस निरिक्षक प्रदिप परदेशी, पोलिस निरिक्षक सायबर सेल दिपमाला भेंडे यांच्या मार्गदर्शनाखाली सहायक पोलिस निरिक्षक अमोल पुरी, पथकातील गजानन डोंगरे, विशाल भगत, कविश पाळेकर, उल्हास कुरकुटे, अजय निंबोळकर, पंकज गिरी, सतिष सोनोने, रोशनी जोगळेकर, प्रगती कांबळे यांनी पार पाडली.

पाच राज्यात टोळीचे करनामे यवतमाळ सायबर सेलने ताब्यात घेतलेल्या एटीएम क्लोन करणाऱ्या टोळीतील दोघांना ताब्यात घेतले. या टोळीने यवतमाळातच नव्हे तर संपूर्ण महाराष्ट्रासह, उत्तरप्रदेश, बिहार, पच्छिम बंगाल आणि झारखंड आदी पाच राज्यात कारनामे करीत अनेकांना गंडा घातला. त्यामूळे या टोळीकडून अनेक गुन्हे उघडकीस येण्याची शक्यता आहे.
धक्कादायक! घरमालकाने आत्महत्येपूर्वी केलेल्या VIDEO ने पोलिसही हादरले, भाडेकराविेरुद्ध गंभीर आरोप