मुंबई: राष्ट्रवादी काँग्रेसच्या आमदार () यांच्यावर सुनेचा छळ केल्याप्रकरणी गुन्हा दाखल झाल्यानंतर भाजपनं () राष्ट्रवादीसह महाविकास आघाडी सरकारला घेरलं आहे. सुनेचा छळ करणाऱ्या तुमच्या सहकारी विद्या चव्हाण व त्यांच्या कुटुंबाविरोधात तुम्ही भूमिका घेणार का, असा सवाल भाजपनं राष्ट्रवादीच्या खासदार व राज्याच्या महिला व बालविकास मंत्री यांना केला आहे.

वाचा:

विद्या चव्हाण यांच्यासह त्यांचे पती अभिजीत, मुलगा अजित (पीडितेचा नवरा) दुसरा मुलगा आनंद (पीडितेचा दीर) आणि शीतल (आनंद यांची पत्नी) अशा एकूण पाच जणांविरुद्ध पोलिसांनी छळाचा गुन्हा दाखल केला आहे. दुसरी मुलगी झाल्यानं तिचा छळ करण्यात येत होता, असं पीडितेनं तक्रारीत म्हटलं आहे. विद्या चव्हाण या राष्ट्रवादी काँग्रेसच्या विधान परिषदेतील आमदार आहेत. महिलांच्या प्रश्नावर त्या काम करतात. विधान परिषदेतही महिलांच्या प्रश्नावर त्या हिरीरीनं भूमिका मांडत असतात. आता सुनेकडूनच आरोप झाल्यानं त्या अडचणीत आल्या आहेत.

वाचा:

याच पार्श्वभूमीवर भाजपनं सत्ताधारी राष्ट्रवादी व काँग्रेसला जाब विचारला आहे. भाजपनं केलेल्या ट्विटमध्ये सुप्रिया सुळे व यशोमती ठाकूर यांना टॅग करण्यात आलं आहे. चव्हाण यांच्याविरोधात भूमिका घेणार की नाही, अशी विचारणा या ट्विटमधून करण्यात आली आहे.

विद्या चव्हाणांनी फेटाळले आरोप

विद्या चव्हाण यांनी सुनेचे सर्व आरोप आधीच फेटाळून लावले आहेत. ‘माझ्या सुनेचे विवाहबाह्य संबंध आहेत. हे कळल्यानंतर माझ्या मुलानं घटस्फोट घेण्याची तयारी सुरू करताच सुनेनं आरोप केले आहेत. कुणाच्या तरी चुकीच्या सल्ल्यामुळं ती असं वागत असून न्यायालयात खरंखोटं सिद्ध होईल,’ असं चव्हाण यांनी म्हटलं आहे. नवरा-बायकोच्या वादात मला ओढण्यात आलं आहे, असंही त्यांनी म्हटलं आहे.