railway ticket booking online irctc: आजपासून सुरू झालं मुंबई, पुणे, नागपूरच्या फेस्टिव्हव स्पेशल ट्रेनचं बुकिंग, वाचा संपूर्ण वेळापत्रक – mumbai nagpur and pune railways festival special trains check details of train timings and routes

मुंबई: सणासुदीच्या काळात प्रवाशांची सोय आणि लोकांची प्रचंड मागणी पाहता भारतीय रेल्वेने (Indian Railway)काही नवीन घोषणा केल्या आहेत. दिवाळी आणि छठ पूजेच्या दिवशी प्रवाशांच्या गरजा पूर्ण करण्यासाठी रेल्वेने नागपूर-करमाळी, मुंबई आणि पुणे दरम्यान फेस्टिव्हल विशेष ट्रेन चालवण्याची घोषणा केली आहे. मध्य रेल्वेने दिलेल्या माहितीनुसार, १८ ऑक्टोबरपासून पूर्णपणे तिकिटांचे आरक्षण सुरू केले जाणार आहे. ट्रेन विशेष असणार असल्याने, तिकीट शुल्क देखील विशेष असेल असंही यावेळी सांगण्यात आलं. मध्य रेल्वेच्या मते, या विशेष गाड्यांची तिकिटे आरक्षण केंद्र आणि वेबसाइट www.irctc.co.in वर मिळवता येतील.

मध्य रेल्वेने आपल्या अधिकृत निवेदनात म्हटले आहे की, प्रवास करण्यास इच्छुक असणाऱ्यांना भारतीय रेल्वेच्या वेब पोर्टल किंवा एनटीईएस अॅपवर सविस्तर माहिती मिळू शकते. प्रवाशांना हवे असल्यास ते ‘रेलमाड हेल्पलाईन नंबर’ १३९ वर देखील संपर्क साधू शकतात. फेस्टिव्हल विशेष रेल्वे सेवांचा लाभ घेऊ इच्छिणाऱ्या सर्व प्रवाशांना प्रवासादरम्यान केंद्र सरकारने जारी केलेल्या सर्व कोविड -१९ मार्गदर्शक तत्त्वे आणि प्रोटोकॉलचे पालन करावे लागणार आहे.

नागपूर-करमाळी साप्ताहिक सुपरफास्ट विशेष

०१२३९ सुपरफास्ट स्पेशल ट्रेन ३० ऑक्टोबर ते २० नोव्हेंबर या कालावधीत प्रत्येक शनिवारी नागपूरहून १५.५० वाजता सुटेल आणि दुसऱ्या दिवशी १४.३० वाजता करमाळीला पोहोचेल.

चपला-जोडे शिवणाऱ्याचा प्रामाणिकपणा आपल्यालाही लाजवेल, फाटलेली बॅग शिवताना साडलेलं पाकिट उघडलं अन्….
कोणत्या ठिकाणी थांबेल ट्रेन ?

ही ट्रेन वर्धा, बडनेरा, अकोला, शेगाव, भुसावळ, नाशिक रोड, इगतपुरी, कल्याण पनवेल, रोहा, खेड, चिपळूण, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आणि थिविम स्टेशनवर थांबेल.

मुंबई-नागपूर साप्ताहिक सुपरफास्ट स्पेशल ट्रेन

०१२४७ सुपरफास्ट स्पेशल ट्रेन छत्रपती शिवाजी महाराज टर्मिनस येथून दर शुक्रवारी २९, ५ ऑक्टोबर ते १९ नोव्हेंबर दरम्यान २२.५५ वाजता सुटेल आणि दुसऱ्या दिवशी १३.१० वाजता नागपूरला पोहोचेल.

०१२४८ सुपरफास्ट स्पेशल ३० ऑक्टोबर ते २० नोव्हेंबर पर्यंत प्रत्येक शनिवारी नागपूरहून १७.४० वाजता सुटेल आणि दुसऱ्या दिवशी ०८.३० वाजता छत्रपती शिवाजी महाराज टर्मिनस येथे पोहोचेल.

कोणत्या ठिकाणी थांबेल ट्रेन ?

या गाड्या कल्याण, इगतपुरी (फक्त ०१२४८ साठी), नाशिक रोड, जळगाव, भुसावळ, शेगाव, अकोला, बडनेरा, धामणगाव आणि वर्धा स्थानकांवर थांबतील.

पुणे-मुंबई प्रवास करणाऱ्यांसाठी मोठी बातमी! सिंहगड एक्सप्रेस १९ महिन्यांनंतर पुन्हा सुरू
पुणे-भगत की कोठी साप्ताहिक विशेष ट्रेन

०१२४९ विशेष ट्रेन २२ ऑक्टोबर ते १९ नोव्हेंबर या कालावधीत प्रत्येक शुक्रवारी २०.१० वाजता पुण्याहून सुटेल आणि दुसऱ्या दिवशी १९.५५ वाजता भगत की कोठी येथे पोहोचेल.

०१२५० साप्ताहिक विशेष ट्रेन २३ ऑक्टोबर ते २० नोव्हेंबर दरम्यान दर शनिवारी भगत की कोठी २२.२० वाजता सुटेल आणि दुसऱ्या दिवशी १९.०५ वाजता पुण्याला पोहोचेल.

कोणत्या ठिकाणी थांबेल ट्रेन ?

लोणावळा, कल्याण, वसई रोड, सुरत, वडोदरा, अहमदाबाद, महेसाणा, पालनपूर, भिल्डी, धनेरा, राणीवाडा, मारवाड भीनमल, मोड्रान, जालोर, मोकलसर, समधारी आणि लुनी.