Satya Pal Malik on Jammu Kashmir: Satya Pal Malik: ‘मी राज्यपाल असताना श्रीनगरमध्ये घुसण्याची दहशतवाद्यांची हिंमत नव्हती’ – meghalaya governor satya pal malik says terrorists could not enter srinagar when i was governor

झुंझुनू: आपण जेव्हा जम्मू काश्मीरच्या राज्यपालपदी होतो, तेव्हा कोणत्याही दहशतवाद्याची श्रीनगरमध्ये घुसण्याची हिंमत नव्हती, असा दावा मेघालयाचे राज्यपाल सत्य पाल मलिक यांनी केला आहे.

मी जेव्हा जम्मू काश्मीरचं राज्यपाल पद सांभाळत होतो तेव्हा कोणताही दहशतवादी श्रीनगरच्या ५०-१०० किलोमीटर क्षेत्रात प्रवेशही करू शकत नव्हता. आता मात्र असं नाही. आता श्रीनगरमध्ये दहशतवादी गरीब नागरिकांना ठार मारत आहेत, हे दु:खद आहे, असं सत्यपाल मलिक यांनी म्हटलंय.

सत्यपाल मलिक हे ऑगस्ट २०१८ ते ऑक्टोबर २०१९ पर्यंत जम्मू काश्मीरच्या राज्यपालपदी होते. त्यांच्या कार्यकाळातच ऑगस्ट २०१९ मध्ये जम्मू काश्मीरला विशेष दर्जा देणारा अनुच्छेद ३७० हटवण्यात आला होता. तसंच या भागाला दोन स्वतंत्र केंद्रशासित प्रदेशात विभाजित करण्याचा निर्णय घेण्यात आला होता.

kulgam terror attack : काश्मीरमध्ये बिहारच्या मजुरांवर दहशतवाद्यांचा हल्ला; दोन ठार, तर एक जखमी
poonch encounter update : पूँछमध्ये ८ दिवसांत लष्कराचे ९ जवान शहीद; काय आहे कारण? वाचा…
amit shah : अमित शहांचे ऑपरेशन काश्मीर; ८ तास मॅरेथॉन बैठका, NSA डोवलही उपस्थित राहणार
त्यानंतर मलिक यांनी नोव्हेंबर २०१९ ते १८ ऑगस्ट २०२० पर्यंत गोव्याच्या राज्यपाल पदाचा कारभार हाताळला. २० ऑगस्ट २०२० रोजी यांनी मेघालयाचे राज्यपाल म्हणून शपथ घेतली.

गेल्या काही दिवसांपासून जम्मू काश्मीरमध्ये सामान्य नागरिकांना दहशतवाद्यांनी निशाण्यावर घेतल्याचं दिसून येतंय. बाहेरील राज्यांतून मोल-मजुरीसाठी केंद्रशासित प्रदेशात दाखल झालेल्या नागरिकांच्या हत्या करण्यात आल्यानंतर परिसरात दहशतीचं वातावरण आहे. रविवारी कुलगामच्या वानपोह भागात दहशतवाद्यांनी केलेल्या अंदाधुंद गोळीबारात दोन प्रवासी मजुरांचा मृत्यू झाला. यापूर्वी शुक्रवारी बिहारच्या एका पाणीपुरी विक्रेत्याला दहशतवाद्यांनी गोळ्या घालून ठार केलं. तर उत्तर प्रदेशातील आणखी एका नागरिकाची दहशतवाद्यांकडून हत्या करण्यात आली होती.

India Nepal: भारतीय हद्दीत नेपाळी विमान दाखल, ४०० मीटरपर्यंत आत घुसून माघारी परतलं
PHOTO : शेतकरी आंदोलकांचं रेल रोको, १३० रेल्वेंना फटका