pakistan navy on indian submarine: भारतीय पाणबुडी आमच्या हद्दीत शिरली; पाकिस्तानचा कांगावा, व्हिडिओ जारी – indian submarine entering pakistan waters says pakistan navy

कराची: पाकिस्तान नौदलाने भारतीय नौदलाविरोधाता कांगावा केला आहे. भारतीय नौदलाच्या पाणबुडीने पाकिस्तानच्या हद्दीत प्रवेश केला असल्याचा आरोप पाकिस्तानने केला आहे. भारतीय पाणबुडीला पाकिस्तानच्या हद्दीत रोखून माघारी पाठवले असल्याचे पाकिस्तानी नौदलाने म्हटले आहे. ही घटना १६ ऑक्टोबर रोजी घडली असल्याचे म्हटले जात आहे. पाकिस्तानने याचा एक व्हिडिओ प्रसिद्ध केला आहे.

पाकिस्तानच्या सागरी हद्दीत भारतीय पाणबुडी प्रवेश करण्याची ही तिसरी घटना असल्याचे पाकिस्तानने म्हटले. पाकिस्तान नौदलाच्या टेहळणी विमानाला भारतीय पाणबुडी दिसली असल्याचा दावा पाकिस्तानने केला आहे.

मोदी फोन उचलत नाही, बायडन फोन करत नाहीत; इम्रान खान यांच्यावर विरोधी पक्षांची टीका
भारतीय सूत्रांनी पाकिस्तानचा हा दावा फेटाळून लावला आहे. पाकिस्तानचा हा भारताविरोधात अपप्रचार असल्याचे भारतीय सूत्रांनी म्हटले. कोणताही देश दुसऱ्याच देशाच्या हद्दीत पाणबुडी पाठवत असेल तर पाणबुडी ही पाण्याखाली राहणार. पाकिस्तानचा आरोप खोटा असल्याचे भारतीय अधिकाऱ्यांनी म्हटले. भारतीय नौदलाने पाकिस्तानच्या आरोपाबाबत अधिकृत वक्तव्य प्रसिद्ध केले नाही.

रशियाच्या हद्दीत अमेरिकी बॉम्बर; रशियाने पाठवले मिग-३१ लढाऊ विमाने
पाकिस्तानी नौदलाने दिलेल्या माहितीनुसार, पाकिस्तानी नौदल सातत्याने सागरी सीमेवर लक्ष ठेवले जात आहे. मार्च २०१९ मध्येदेखील भारतीय पाणबुडीने पाकिस्तानच्या सीमेत प्रवेश केला होता. या पाणबुडीला पाकिस्तानने नष्ट केले असते. मात्र, नौदलाने तसे काही केले नसल्याचे पाकिस्तानने म्हटले.