हायलाइट्स:

  • १०० हून अधिक बौद्ध भिक्खूंसहीत कोलंबोतून कुशीनगर विमानतळावर उतरलं विमान
  • सबका साथ सबका विकास : पंतप्रधान नरेंद्र मोदी
  • कुशीनगर २४ जून २०२० रोजी आंतरराष्ट्रीय विमानतळ घोषित

नवी दिल्ली : उत्तर प्रदेशातील कुशीनगर आंतरराष्ट्रीय विमानतळाचं उद्घाटन आज पंतप्रधान नरेंद्र मोदी यांच्या हस्ते पार पडलं. भारत बौद्ध समाजाच्या आस्थेचं केंद्र आहे, असं वक्तव्य यावेळी पंतप्रधानांनी केलंय.

कुशीनगर आज जगाशी जोडलं गेलंय. ‘प्रत्येकाची कंपनी प्रत्येकाच्या वाढीसाठी मदत करेल‘ होतोय. या विमानतळामुळे केवळ पर्यटनाचाला प्रोत्साहन मिळेल असं नाही तर यामुळे शेतकऱ्यांनाही मोठा फायदा होणार आहे. सोबतच पशुपालक, छोटे व्यापारी यांनाही या विमानतळाचा फायदा होईल. रोजगारासाठी नव्या संधी निर्माण होतील, असा दावा यावेळी पंतप्रधानांनी केला.

येत्या तीन चार वर्षांत देशात २०० हून अधिक विमानतळ, सीपॉडचं नेटवर्क उभं करण्याचा प्रयत्न असल्याचंही यावेळी पंतप्रधान नरेंद्र मोदींनी म्हटलंय.

उडाण योजनेंतर्गत गेल्या काही वर्षांत ९०० हून अधिक नव्या मार्गांना परवानगी देण्यात आलीय. यातील ३५० हून अधिक हवाई सेवा प्रारंभ करण्यात आल्या आहे. जे अगोदर सेवेत नव्हते असे ५० हून अधिक नवे विमानतळ सुरू करण्यात आले आहेत.

कुशीनगरला दिल्ली, मुंबई, कोलकाताशी जोडणार

दिल्ली ते कुशीनगर साठी थेट विमानसेवा २६ नोव्हेंबरपासून सुरू होईल. त्यानंतर १८ डिसेंबर रोजी कुशीनगरला मुंबई आणि कोलकाताशी जोडलं जाईल, अशी माहिती या कार्यक्रमात केंद्रीय नागरी उड्डाण मंत्री ज्योतिरादित्य शिंदे यांनी दिली.

बौद्ध भिक्खूंसहीत श्रीलंकेतून दाखल झालं विमान

कुशीनगर आंतरराष्ट्रीय विमानतळाच्या उद्घाटनाच्या निमित्तानं श्रीलंकेच्या कोलंबोतून एक विमान नवीन विमानतळावर उतरवण्यात आलं. यामध्ये १०० हून अधिक बौद्ध भिक्खूंसहीत काही अधिकाऱ्यांचाही समावेश होता.

उल्लेखनीय म्हणजे, कुशीनगर हे एक आंतरराष्ट्रीय बौद्ध तीर्थस्थळ म्हणून ओळखलं जातं. याच ठिकाणी भगवान गौतम बुद्धांचं महापरिनिर्वाण झाल्याचं मानलं जातं.

कुशीनगर विमानतळ.

कुशीनगर विमानतळ

Karnataka: राहुल गांधी ‘ड्रग अॅडिक्ट’, ‘ड्रग पेडलर’; भाजप नेत्याची वादग्रस्त टिप्पणी
Madhya Pradesh: पोलिसांवर जळते फटाके फेकले, जबलपूरमध्ये उपद्रवींचा धुमाकूळ
कुशीनगर आंतरराष्ट्रीय विमानतळ

केंद्र आणि राज्य सरकारच्या सहकार्यातून कुशीनगर आंतरराष्ट्रीय विमानतळ सुरू करण्यात आलंय. यासाठी २६० कोटींचा खर्च करण्यात आला आहे. या विमानतळाचं टर्मिनल ३,६०० चौरस मीटर परिसरात पसरलेला आहे. एकावेळी जवळपास ३०० प्रवाशांना येण्या-जाण्याची सुविधा या टर्मिनलवर मिळू शकेल.

कुशीनगर विमानतळावर ३.२ किलोमीटर लांब आणि ४५ मीटर रुंद रन वे उभारण्यात आला आहे. हा उत्तर प्रदेशातील आतापर्यंतचा सर्वात लांब रन वे ठरलाय. या रन-वे वर प्रत्येक तासाला आठ विमानं ये-जा करू शकतात.

२४ जून २०२० रोजी या विमानतळाला आंतरराष्ट्रीय विमानतळ घोषित करण्यात आलं होतं. या विमानतळावरून श्रीलंका, जपान, चीन, तैवान, साऊथ कोरिया, थायलंड, सिंगापूर आणि व्हिएतनाम यांसारख्या दक्षिण आशियाई देशांना जोडलं जाणार आहे.

मोदींचा उत्तर प्रदेश दौरा

आगामी उत्तर प्रदेश विधानसभा निवडणुकांच्या पार्श्वभूमीवर पंतप्रधान मोदींचा हा दौरा महत्त्वाचा ठरतोय. मोदी कुशीनगर महापरिनिर्वाण मंदिरात ‘अधिधम्म दिवस’ निमित्तानं आयोजित करण्यात आलेल्या एका सोहळ्यात भाग घेणार आहेत. यासोबतच, काही विकास योजनांचा शिलान्यासही पंतप्रधान मोदींच्या हस्ते आज पार पडणार आहे.

विमानतळाच्या उद्घाटनानंतर पंतप्रधान मोदी इथे एका सरकारी मेडिकल महाविद्यालयाच्या कामाचा शिलान्यास करणार आहेत. २८० कोटी रुपयांच्या खर्चासहीत उभारण्यात येणाऱ्या या मेडिकल महाविद्यालयात ५०० बेडची सुविधा असेल. २००२२-२३ पासून १०० एमबीबीएस विद्यार्थ्यांना इथे प्रवेश मिळू शकेल. याशिवाय कुशीनगरमध्ये पंतप्रधान मोदी १८० कोटी रुपयांच्या खर्चाच्या १२ विकास योजनांचं उद्घाटन करतील.

Taslima Nasreen: बांगलादेश ‘जिहादीस्तान’ बनलाय – तस्लिमा नसरिन
lakhimpur kheri incident : लखीमपूरप्रकरणी यूपी पोलिसांनी जारी केले फोटो, ओळख सांगणाऱ्यांना बक्षीस

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here