कोल्हापूर : कुरूंदवाड येथील सहाय्यक पोलीस निरीक्षकाला लाच स्वीकारताना लाचलुचपत प्रतिबंधक विभागाने रंगेहात पकडलं आहे. एका प्रकरणातील आरोपीला मदत करण्यासाठी या पोलीस अधिकाऱ्याने त्याच्या भावाकडे ५० हजार रुपयांची लाच मागितली होती. राजेंद्र शंकर उगलमुगले असं या लाचखोर पोलीस अधिकाऱ्याचं नाव आहे.

याबाबत अधिक माहिती अशी की, तक्रारदाराच्या भावाविरोधात कुरूंदवाड पोलीस ठाण्यात अवैध गुटखा वाहतुकीबाबत गुन्हा नोंद झाला आहे. या आरोपीला जामीन मिळावा, त्याला पोलिसांची मदत व्हावी यासाठी तक्रारदाराचे प्रयत्न सुरू होते. या कामासाठी सहा पोलीस निरीक्षक राजेंद्र शंकर उगलमुगले याने ५० हजाराची लाच मागितली. तडजोडीनंतर ही रक्कम ४० हजार रुपये इतकी देण्याचे ठरले. त्यानंतर तक्रारदाराने लाचलुचपत प्रतिबंधक विभागाकडे तक्रार केली.

High Court Updates: गंध‌र्व विवाहाच्या कोणी पत्रिका छापेल का?; महिलेचा ‘तो’ दावा हायकोर्टाने फेटाळला

बुधवारी दुपारी उगलमुगले याच्या वतीने आप्पासाहेब सुभाष मगदूम हा ४० हजाराची लाच स्वीकारत असताना त्याला लाचलुचपत प्रतिबंधक विभागाने रंगेहात पकडलं. ही लाच उगलमुगले याच्यासाठी घेत असल्याचं त्याने कबूल केल्यानंतर दोघांवरही गुन्हा नोंद करण्यात आला आहे.

दरम्यान, ही कारवाई पोलीस उपअधीक्षक आदिनाथ बुधवंत, पो. हे. कॉ. शरद पोरे, सुनील घोसाळकर, नवनाथ कदम यांनी केली.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here