flex fuel engines: Flex Fuel Engines: ‘फ्लेक्स फ्युएल इंजिन’च्या वापरानं शेतकऱ्यांना कसा फायदा होऊ शकतो? जाणून घ्या… – nitin gadkari on flex fuel engines | how it will help to farmers

वाहन निर्माण कंपन्यांशी संवाद साधणार

फ्लेक्स इंधन इंजिनच्या निर्माणाची परवानगी देण्यासाठी सर्वोच्च न्यायालयात एक शपथपत्र देण्याची सरकारचा मानस होता. परंतु, आता मात्र येत्या ६-८ महिन्यांत आम्ही थेट वाहन निर्मात्यांशी संवाद साधून फ्लेक्स इंधन इंजिन निर्माण करण्यावर भर देण्यात येणार असल्याचंही गडकरींनी म्हटलंय. सोबतच, येत्या १५ वर्षांत भारतीय वाहन उद्योग १५ लाख कोटी रुपयांवर पोहचू शकेल. येत्या काही दिवसांत भारत हरित हायड्रोजन निर्यात करण्यात सक्षम होईल, असा दावाही यावेळी गडकरींनी केला. ‘फेडरेशन ऑफ ग्रीन एनर्जी’च्या एका कार्यक्रमात ते बोलत होते.

फ्लेक्स इंधन इंजिन अनिवार्य होणार?

इथेनॉल हे सर्वात परवडणारं असं इंधन आहे. तसंच इथेनॉलचा वापर विमानातील इंधनासाठीही केला जाऊ शकतो. ‘फ्लेक्स इंधन इंजिन’ बनवणं अनिवार्य केलं तर वाहनांच्या निर्मितीचा खर्च आणि वाहनांच्या किंमतीही आटोक्यात राहतील, असंही गडकरींनी म्हटलं. सध्या पेट्रोल आणि डिझेलला पर्यायी इंधन म्हणून इथेनॉल, सीएनजी, बायो एलएनजी, इलेक्ट्रिक हे पर्याय उपलब्ध आहेत.

लसीकरणावर व्हीआयपी संस्कृती लागू होऊ दिली नाही : पंतप्रधान नरेंद्र मोदी

PM Narendra Modi: आज पंतप्रधान मोदींच्या संबोधनात काय? ‘सोशल मीडिया’वर रंगली चर्चा

‘फ्लेक्सिबल फ्युएल व्हेईकल’

‘फ्लेक्स इंधन’ हे गॅसोलीन आणि मिथेनॉल किंवा इथेनॉलच्या एकत्रित वापरापासून बनवण्यात आलेलं एक पर्यायी इंधन आहे. इथेनॉलमिश्रित पेट्रोल आणि बायोडिझेलमिश्रित डिझेलचा वापर करत इंधनांच्या बाबतीत लवचिकता उपलब्ध झाल्यानं या वाहनांना ‘फ्लेक्सिबल फ्युएल व्हेईकल’ म्हटलं जातं.

इंधनात इथेनॉलचा वापर

सध्या वाहनांत वापरल्या जाणाऱ्या पेट्रोलमध्ये ८.५ टक्क्यांपर्यंत इथेनॉलचा वापर असतो. मात्र, हे प्रमाण वाढवण्यात आलं तर सध्याचं एकाच प्रकारचं इंधन ज्वलनाच्या दृष्टीकोनातून तयार करण्यात आलेल्या इंजिनमध्ये समस्या येऊ शकतात. ‘फ्लेक्स इंधन इंजिन’मुळे एकाच टाकीत पेट्रोल आणि इथेनॉलचा समप्रमाणात वापर करण्याची सुविधा ग्राहकांना मिळू शकेल.

शेतकऱ्यांना कसा होणार फायदा?

ऊस, मका यांसहीत शर्करा आणि पिष्टमय पदार्थाचं प्रमाण अधिक असलेल्या पिकांपासून इथेनॉलची निर्मिती केली जाते. पेट्रोल-डिझेलच्या तुलनेत इथेनॉलची किंमत खूपच कमी ठरते. तसंच इथेनॉलच्या ज्वलनातून होणारं कार्बन उत्सर्जनाचं प्रमाणही कमी असतं. भारतात ऊस, साखर, मका, गहू यांसारख्या पिकांचं उत्पादन मोठ्या प्रमाणात होतं. त्यामुळे, इथेनॉलचा वापर वाढला तर त्याचा फायदा देशातल्या शेतकऱ्यांनाही होऊ शकतो.

सध्या भारतातली इंधनाची गरज भागवण्यासाठी जवळपास ८० टक्के कच्च्या तेलाची आयात केली जाते. इथेनॉलचा वापर वाढला तर देशाचं आयातीत कच्च्या तेलावरचं अवलंबित्व कमी होऊन इंधनाचे दरही नियंत्रणात राहू शकतील. प्रदूषणात घट झाल्यानं पर्यावरणालाही त्याचा फायदा होईल.

​petrol diesel price hike : ‘सध्या मूठभर लोक पेट्रोल-डिझेल वापरतात’, भाजप मंत्र्याचं वक्तव्य
captain sariya abbasi : भारताची रणरागिणी! ‘ड्रोन-किलर’ गन्सच्या कमांडर कॅप्टन सरिया अब्बासी यांचे फोटो व्हायरल