Nawab Malik Explanation On The Allegations Against Sameer Wankhede – समीर वानखेडेंवरील आरोपांवर नवाब मलिक यांचं स्पष्टीकरण, नव्या वक्तव्याने पुन्हा खळबळ | Maharashtra Times

नांदेड : राष्ट्रवादी काँग्रेसचे प्रवक्ते तथा अल्पसंख्याक मंत्री नवाब मलिक (Nawab Malik) यांनी NCB चे मुंबई विभागीय संचालक समीर वानखेडे (Sameer Wankhede) यांचा जन्माचा दाखला व पहिल्या लग्नातील फोटो सोशल मीडियात शेअर करून खळबळ उडवून दिली आहे. यावर नवाब मलिक यांनी आणखी एक वक्तव्य केलं आहे. आमची लढाई एनसीबीशी नाही तर खोटे कागदपत्र दाखल करून चुकीचे काम करणाऱ्यांविरुद्ध आहे अशी प्रतिक्रिया नवाब मलिक यांनी दिली आहे. (नवाब मलिक विरुद्धच्या आरोपांवर स्पष्टीकरण समीर वानखेडे )

सकाळी नवाब मलिक यांनी ‘समीर Dawood वानखेडे का यहा से सुरू हुआ फर्जीवाडा’ असं ट्विट केलं होतं. त्यांच्या या ट्विटला समीर वानखेडे यांनीही सडेतोड उत्तर दिलं आहे. दरम्यान, नवाब मलिक हे बिलोली येथे पत्रकारांशी बोलत होते. त्यावेळी मलिक यांनी ट्विटबद्दल खुलासा केला.

नवाब मलिक हे देगलूर-बिलोली मतदारसंघात महाविकास आघाडीचे उमेदवार जी. एनसीबीचा अधिकारी समीर दाऊद वानखेडे हा फ्रॉड आहे. त्याचा जन्माचा दाखला खोटा आहे. त्याने अनेक फ्रॉड केसेस केल्याचा आरोप देखील मंत्री नवाब मलिक यांनी केला आहे.
समीर वानखेडेंवर लाचखोरीचा आरोप करणारा प्रभाकर साईल पोलीस कार्यालयात
मलिक यांच्या आरोपांवर वानखेडे यांनी तात्काळ प्रतिक्रिया

समीर वानखेडे यांनी गैरप्रकार करून नोकरी मिळवल्याचा आरोप मलिक यांनी केला आहे. मलिक यांच्या आरोपांवर वानखेडे यांनी तात्काळ प्रतिक्रिया दिली आहे. नवाब मलिक यांनी माझा व माझ्या कुटुंबियांचा सामाजिक माध्यमांवर अपमान केला आहे. माझ्या कुटुंबाची खोटी माहिती ट्विटरवर सांगून त्यात अपमानित करणारी वक्तव्य करण्यात आली आहेत. यामुळे मी व माझे कुटुंबीय प्रचंड मानसिक तणावात आहेत, असं वानखेडे यांनी प्रसिद्धी पत्रकाद्वारे म्हटलं आहे.

‘माझे नाव समीर दाऊद वानखेडे, असे असल्याचे मलिक यांनी ट्विटरवर म्हटले आहे. वास्तवात माझ्या वडिलांचे खरे नाव ज्ञानदेव कचरुजी वानखेडे असून ते उत्पादन शुल्क विभागातील निवृत्त वरिष्ठ निरीक्षक आहेत. माझ्या आईचे नाव झहिदा (आता हयात नाही) होते. मी बहु धार्मिक व धर्मनिरपेक्ष भारतीय पारंपरिक कुटुंबातील असून त्याचा अभिमान आहे. मी २००६ मध्ये डॉ. शबाना कुरैशी यांच्याशी विवाह केला व कायद्यानुसार २०१६ मध्ये घटस्फोटदेखील झाला. त्यानंतर २०१७ मध्ये मी क्रांती दिनानाथ रेडकर यांच्याशी विवाह केला. परंतु मंत्री नवाब मलिक यांच्याकडून सामाजिक माध्यमावर खोटी माहिती पसरवून माझी प्रतिम मलिन करीत आहेत. कुटुंबाची वैयक्तिक माहिती अशाप्रकारे जाहिर करणे हे अपमानित करणारे आहे’, असंही त्यांनी म्हटलं आहे. (Nawab Malik explanation on the allegations against Sameer Wankhede )
आजवर जे पाकिस्तानात व्हायचे ते महाराष्ट्रात झाले; पाहा तरुणाने रस्त्यावर येऊन काय केले