rare expensive fish in world: ब्रिटनमध्ये आढळला जगातील सर्वात महागडा मासा; एका माशाची किंमत लाख रुपयांहून अधिक – world’s most expensive fish atlantic bluefin tuna spotted off the uk coast

लंडन: जगातील सर्वाधिक महागडा मासा ब्रिटनच्या समुद्र किनाऱ्यावर आढळला आहे. या माशाचे नाव अटलांटिक ब्लूफिन टूना असे आहे. या माशाची किंमत बाजारपेठेत लाख रुपयांहून अधिक असते. या माशाची प्रजाती दुर्मिळ लुप्त पावत असल्यान ब्रिटनमध्ये मासे पकडण्यावर बंदी आहे. इतर देशातील मच्छिमारांकडून अटलांटिक ब्लूफिन टूना मासा पकडण्यासाठी प्रयत्न सुरू असतात.

अटलांटिक ब्लूफिन टूना मासा हा ब्रिटनच्या प्रादेशिक जल सीमा भागात दिसला. ही सीमा कोणत्याही देशाच्या समुद्र किनाऱ्यापासून ३ ते १२ मैल अंतरापर्यंत असते. या क्षेत्रात संबंधित देशाच्या परवानगीशिवाय इतर देशांचे जहाज प्रवेश करू शकत नाही.

Video: ‘या’ विचित्र कारणासाठी भरकार्यक्रमात राज्यपालांच्या कानशिलात लगावली

ब्रिटनमध्ये अटलांटिक ब्लूफिन टूना माशाबाबत कठोर नियम आहेत. कोणीही ब्रिटनच्या सागरी हद्दीत अटलांटिक ब्लूफिन टूना मासा चुकून जाळ्यात अडकल्यास त्याची तात्काळ सुटका करावी लागते. सेंट इवे येथील नॅशनल कोस्टवॉच इन्स्टिट्यूशनमध्ये स्वयंसेवक असणाऱ्या पीटर नॅसन यांनी सांगितले की, २३ ऑक्टोबर रोजी एकापेक्षा अधिक अटलांटिक ब्लूफिन टूना मासे पाण्यात उड्या मारताना दिसले. यावेळी समुद्र किनारी असणाऱ्या शेकडो नागरिकांनीही हा दुर्मिळ मासा पाहिला.

पाकिस्तान: विजयाचा जीवघेणा जल्लोष!; कराचीत हवेत गोळीबार, १२ जखमी

याआधीदेखील ऑगस्ट महिन्यात एक मोठा अटलांटिक ब्लूफिन टूना मासा पोर्थकर्नोमध्ये दिसला होता. टूना माशाची ही प्रजाती जगात मोठी आहे. हा मासा वेग आणि ताकदीसाठी ओळखला जातो. या कारणांमुळे अटलांटिक ब्लूफिन टूना मासे समुद्रात अधिक अंतरापर्यंत प्रवास करू शकतात.

चिंता वाढली! हाँगकाँगमध्ये नवा संसर्ग, सात जणांचा मृत्यू; सतर्कतेचा इशारा
अटलांटिक ब्लूफिन टूना माशाची लांबी तीन मीटर इतकी लांब असू शकते. त्याशिवाय, माशाचे वजन २५० किलोपर्यंत असू शकते. या माशाचा समावेश लुप्त होणाऱ्या प्रजातीत आहे. जवळपास १०० वर्ष कोर्निश किनाऱ्याजवळ हा मासा दिसला नव्हता. टूना माशापासून माणसांना धोका नाही.