हायलाइट्स:

  • सत्यपाल मलिक नोव्हेंबर २०१९ ते १८ ऑगस्ट २०२० गोव्याचे राज्यपाल
  • ‘गोवा सरकारनं जे काही केलं त्यात भ्रष्टाचार होता’
  • ‘भ्रष्टाचाराचे आरोप केले, म्हणून राज्यपाल पदावरून हटवलं’
  • ‘भ्रष्टाचार प्रकरणी चौकशी करून पंतप्रधान मोदींनाही दिली माहिती’

नवी दिल्ली : मेघालयचे राज्यपाल सत्यपाल मलिक यांनी भाजपला अडचणीत आणणारं आणखीन एक विधान केलंय. गोव्यातील भाजप सरकार सर्वाधिक भ्रष्ट असल्याचा दावा मलिक यांनी केलाय. इतकंच नाही तर, या प्रश्नात पंतप्रधान नरेंद्र मोदी यांना स्वत: लक्ष घालण्याची सूचनाही सत्यपाल मलिक यांनी केलीय.

‘गोव्यातील भाजप सरकार कोविडशी योग्य पद्धतीनं दोन हात करण्यात अयशस्वी ठरलं, या माझ्या वक्तव्यावर मी ठाम आहे. गोवा सरकारनं जे काही केलं त्यात भ्रष्टाचार होता. सरकारवर केलेल्या भ्रष्टाचाराच्या आरोपांमुळेच मला राज्यपाल पदावरून हटवण्यात आलं’ असा खळबळजनक दावाही सत्यपाल मलिक यांनी यावेळी केलाय.

‘मी लोहियावादी आहे, मी चरणसिंह यांच्यासोबतही वेळ व्यतीत केला आहे. मी भ्रष्टाचार सहन करू शकत नाही’, असंही त्यांनी म्हटलं. ‘टीव्ही टुडे’चे सल्लागार संपादक राजदीप सरदेसाई यांना दिलेल्या एका खास मुलाखतीत सत्यपाल मलिक यांनी हे विधान केलंय.

अंबानी-आरएसएस संबंधित व्यक्तींकडून ३०० कोटींची लाच, सत्यपाल मलिक यांचा गौप्यस्फोट
Satya Pal Malik: ‘…तर भाजप पुन्हा सत्तेत येणार नाही’, सत्यपाल मलिक यांच्यामुळे भाजपच्या डोकेदुखीत वाढ?
Satya Pal Malik: ‘मी राज्यपाल असताना श्रीनगरमध्ये घुसण्याची दहशतवाद्यांची हिंमत नव्हती’

‘घरोघरी रेशन वाटण्याची गोवा सरकारची योजना अव्यवहारिक होती. सरकारला पैसे चारणाऱ्या एका कंपनीच्या सांगण्यावरून हा निर्णय घेण्यात आला. काँग्रेससहीत अनेक पक्षांनी माझ्याकडे या प्रकरणाच्या चौकशीची मागणी केली होती’ असं सांगतानाच ‘मी या प्रकरणाची चौकशी केली आणि पंतप्रधान नरेंद्र मोदींनाही याची माहिती दिली’, असंही मलिक यांनी म्हटलंय.

‘विमानतळाजवळ एक भाग आहे जिथे खणनासाठी ट्रकांचा वापर केला जातो. कोविड संक्रमणाच्या पार्श्वभूमीवर हे काम रोखण्यास मी सरकारला सांगितलं. परंतु, सरकारनं ऐकलं नाही आणि नंतर हाच भाग कोविडचा हॉटस्पॉट बनला’, असं सांगत गोव्यातील भाजप सरकार आणि आपल्यातील वादांवर मलिक यांनी भाष्य केलं.

नव्या राजभवनाचा डाव…

खरे राजभवन पाडून नवं भवन उभारण्याचा गोवा सरकारचा मानस होता. खरंतर याची काहीएक आवश्यकता नव्हती. मात्र, सरकार आर्थिक दबावाखाली असताना त्यांनी हा प्रस्ताव मांडला होता, असं म्हणत सत्यपाल मलिक यांनी गोव्यातील सरकारच्या भ्रष्टाचारची आणखी एक आठवण सांगितली.

मलिक यांची कारकीर्द

सत्यपाल मलिक हे ऑगस्ट २०१८ ते ऑक्टोबर २०१९ पर्यंत जम्मू काश्मीरच्या राज्यपालपदी होते. त्यानंतर मलिक यांनी नोव्हेंबर २०१९ ते १८ ऑगस्ट २०२० पर्यंत गोव्याच्या राज्यपाल पदाचा कारभार हाताळला तर २० ऑगस्ट २०२० रोजी त्यांनी मेघालयाचे राज्यपाल पदाची शपथ घेतली. गेल्या काही दिवसांत सत्यपाल मलिक यांनी केलेल्या वेगवेगळ्या दाव्यांमुळे भाजप सरकारची मोठी पंचाईत झालीय, हे नक्की.

Ashram 3 Controversy: स्क्रिप्ट वाचल्यानंतरच चित्रिकरणाला परवानगी देणार, साध्वींची नवी ‘सेन्सॉरशीप’
Sanjay Raut: पाक विजयाचा जल्लोष, राऊतांचा गृहमंत्र्यांच्या जम्मू काश्मीर दौऱ्यावर निशाणा
Amit Shah: बुलेटप्रुफ काच हटवत अमित शहांचं काश्मीरमध्ये भाषण, CRPF कॅम्पमध्ये मुक्काम

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here