coronavirus new variant: करोना विषाणूचा आणखी एक प्रकार; जाणून घ्या किती आहे घातक? – coronavirus updates know about coronavirus ay 4.2 variant new variant

लंडन: करोना महासाथीच्या आजाराचे अजूनही थैमान सुरू आहे. महासाथीवर नियंत्रण मिळवण्याचे प्रयत्न सुरू असताना दुसरीकडे करोना विषाणूचा नवीन प्रकारही समोर येत आहे. त्यामुळे शास्त्रज्ञांसमोरील आव्हानांमध्ये वाढ झाली आहे.

करोनाच्या ए. वाय. ४.२ या नव्या विषाणूचे रुग्ण भारतात आढळल्याने एकच खळबळ उडाली आहे. हा विषाणूचा प्रकार काय आहे? या विषाणूचे रुग्ण देशाबाहेर कोठे आढळले? आधीच्या ‘म्युटंट’पेक्षा यात काय वेगळे आहे, त्यावर टाकलेला दृष्टीक्षेप…

काय आहे सद्यस्थिती?

करोनाच्या ए. वाय. ४.२ या प्रकारचे रुग्ण आढळण्याचे प्रमाण ब्रिटनमध्ये जास्त आहे. करोनाच्या ‘डेल्टा’ प्रकारापेक्षा हा व्हेरिएंट घातक असल्याचे तज्ज्ञांचे म्हणणे आहे. मात्र, त्याबाबत अधिकृत कोणतीही माहिती उपलब्ध नाही.
चीनमध्ये पुन्हा करोना उद्रेक?; बाधितांची संख्या वाढण्याची भीती
मध्य प्रदेश आणि महाराष्ट्रात ‘डेल्टा’ प्रकारांची सबलाइनर प्रकरणे आढळून आल्यानंतर भारताचा करोना ‘जीनोमिक सर्व्हिलन्स प्रोजेक्ट’ ‘हाय अलर्ट’वर आहे. नॅशनल सेंटर ऑफ डिसीज कंट्रोल अर्थात राष्ट्रीय रोग नियंत्रण केंद्राकडून जारी करण्यात आलेल्या जीनोम सिक्वेन्सिंग अहवालात इंदूरमध्ये नवीन कोव्हिड प्रकारच्या ए. वाय. ४.२ डेल्टा व्हेरिएंटची सात प्रकरणे आढळून आली आहेत.

‘ए. वाय. ४.२’चे प्रमाण सर्व प्रकरणांमध्ये सुमारे सहा टक्के आहे. ए. वाय. ४.२ नावाचा डेल्टा व्हेरिएंट हा ब्रिटनमध्ये पसरल्याचे ‘नॅशनल सेंटर फॉर डीसिज कंट्रोल’ने म्हटले आहे.

विदेशातील संशोधन काय सांगते?

एडिनबर्ग आणि ऑक्सफर्ड विद्यापीठातील संशोधकांनी करोनाच्या नव्या प्रकाराबाबत काही निरीक्षणे नोंदवली आहे. कोणत्याही ठोस निष्कर्षापर्यंत येणार नसल्याचे या संशोधकांनी म्हटले आहे. या विषाणूचे मूळ ब्रिटनमधील नॉर्दम्ब्रिया येथील आहेत. येथे दोन रुग्ण प्रथम आढळले होते.
४० लाख लोकसंख्या आणि फक्त ६ करोनाबाधित; तरी संपूर्ण शहरात लॉकडाऊन!

प्रत्येक प्रकारात जनुकीय बदल

करोनाच्या ए वाय प्रकारचे ७५ प्रकार आढळले आहेत. प्रत्येक प्रकारातील विषाणूमध्ये वेगवेगळे जनुकीय बदल आढळले आहेत. यातीलच एक ए वाय ४ प्रकाराचा ब्रिटनमध्ये मोठ्या प्रमाणावर फैलाव झाल्याचे आढळले आहे. ब्रिटनमध्ये गेल्या २८ दिवसांत आढळलेल्या एकूण रुग्णांपैकी ६३ टक्के रुग्णांमध्ये या प्रकारचा विषाणू आढळला आहे. ‘ए. वाय. ४.२’ या प्रकाराला ब्रिटनमध्ये ‘डेल्टा प्लस’ असेही संबोधण्यात आले आहे. ब्रिटनच्या हेल्थ प्रोटेक्शन एजन्सीद्वारे व्हीयूआय-२१ओसीटी-०१ असे नाव देण्यात आले आहे. डेल्टा व्हेरिएंटच्या मुख्य प्रकारापेक्षा याचा प्रसार वेगाने होत आहे.

आणखी कोठे रुग्ण?

गेल्या २८ दिवसांत ब्रिटनमध्ये ‘ए. वाय. ४.२’चे ९ टक्के रुग्ण आढळले असून, डेन्मार्क, जर्मनी, आयर्लंड येथेही नव्या करोना प्रकाराचे रुग्ण आढळले आहेत. नव्या प्रकारापूर्वी ए. २२२ व्ही आणि बी. १.१७७ या प्रकारातील रुग्ण गेल्या वर्षी स्पेनमध्ये मोठ्या प्रमाणावर आढळले होते. युरोपातील काही देशांत हे रुग्ण आढळल्यानंतर त्यांचा प्रसार इतर देशांमध्ये झाला होता.