मनसेचा मोठा निर्णय! अकोला महापालिकेच्या सर्व जागा लढविणार; यापुढे कार्यकर्त्यांना मुंबईत नो एंट्री – mns will contest all the seats in the upcoming elections of akola municipal corporation

अकोला: अकोला महानगरपालिकेच्या आगामी निवडणूक महाराष्ट्र नवनिर्माण सेना स्वतंत्ररित्या लढणार आहे. त्यासाठी पक्षस्तरावर तयारी सुरू झाली असून अकोला महानगराचा सर्वांगिण विकासाचा ध्येय डोळ्यासमोर ठेवून निवडणुकासमोर जाणार असून मनसे एक भक्कम पर्याय देणार असल्याचे माहिती मनसेचे अकोला निरीक्षक विठ्ठल लोखंडकर यांनी पत्रकार परिषदेत दिली.

मनसेच्या पुढील वाटचालीबाबत माहिती देताना लोखंडकार म्हणाले की, जिल्ह्यातील नगर परिषदा, जिल्हा परिषदेसह मनपाची निवडणूक मनसे पूर्ण ताकदीनिशी लढणार आहे. अकोला जिल्ह्यात पक्षबांधणी, विस्तार, निवडणुकी संदर्भात आपणास पक्षाध्यक्ष राजसाहेब ठाकरे यांनी अधिकार प्रदान केले आहेत. त्याअनुषंगाने पक्षाची कार्यकारिणी, आगामी निवडणुकीवर लक्ष केंद्रीत करण्यात आले आहे.

Ajit Pawar: अजित पवारांना आणखी एक धक्का! मावसभावाच्या घरी ईडीची धाड

आगामी निवडणुकीत युती करण्यासंदर्भात अद्याप निर्णय झाला नसला तरी याबाबतीत सर्वाधिकार पक्षाध्यक्ष यांच्याकडे आहेत. मनसेने नाशिक शहराचा विकास, गोदावरीकाठ विकासाच्या धर्तीवर अकोला शहरातील मोर्णानदीचा विकास, शहरविकासाचा ब्ल्युप्रिंट मनसे सादर करणार आहे. तर जिल्हा परिषद तसेच नगरपरिषदेच्या निवडणुकीसाठी सुध्दा पक्षांतर्गत तयारी करण्यात आली असून यानिवडणुकांसाठी देखील उमेदवार उभे करण्यात येणार असल्याची माहिती महाराष्ट्र नवनिर्माण सेनेचे उपाध्यक्ष तथा अकोला संपर्क प्रमुख विठ्ठल लोखंडकार यांनी शासकीय विश्रामगृहतील पत्रकार परिषदमध्ये दिली.

यापुढे कोणताही कार्यकर्ता मुंबईशी संपर्कात राहणार नसल्याचाही सल्ला यावेळी मनसे उपाध्यक्ष यांनी दिला आहे. या पत्रकार परिषदेला जिल्हाध्यक्ष राजेश काळे, जिल्हाध्यक्ष पंकज साबळे तसेच अरविंद शुक्ला, राकेश शर्मा, सौरभ भगत, पंजाबराव देशमुख, अॅड. लोंढे, आदित्य दामले, ललीत येवलेकर, रुपेश तायडेसह मनसे कार्यकर्ते उपस्थिती होते.
दिवाळीत म्हाडाचे पुणेकरांना गिफ्ट; ‘म्हाडा’च्या सदनिकांसाठी लॉटरी