आरोग्य विभागाच्या पथकाने हॉटेलमध्ये जाऊन इटलीच्या पर्यटकांची माहिती घेतली. ते कुठून आले आणि कोणाकोणाला भेटले, याची सर्व माहिती अधिकाऱ्यांनी जाणून घेतली. जिल्हाधिकारी सुशील पटेल स्वतः मुख्य वैद्यकीय अधिकाऱ्यांना घेऊन हॉटेलमध्ये दाखल झाले. तिथे इटलीच्या पर्यटकांची वैद्यकीय तपासणी केली. या तपासणी कुणातही करोनाची लक्षणं आढळून आली नाहीत. तरीही सर्व पर्यटकांना दुपारी साडेबारापर्यंत हॉटेलमध्येच रोखून ठेवण्यात आलं. यानंतर सर्व पर्यटकांना एन-९० हे मास्क देण्यात आले आणि त्यांना वाराणसीला पुन्हा रवाना केले गेले.
इटलीच्या एकाही पर्यटकामध्ये करोनाची लक्षणं आढळून आली नाहीत. यामुळे चिंता करण्याचं काही कारण नाही. डॅनिअल क्रुसे, विसिन्जो विगो, लोरिंजा, डी मारको, फायियो एलेना, कार्लो आणि मेरिना अशी त्या पर्यटकांची नावं आहेत. २५ फेब्रुवारीपासून ते २५ मार्चपर्यंत भारतात पर्यटनासाठी आलेत, अशी माहिती जिल्हाधिकाऱ्यांनी दिली.
आग्रामध्ये करोनाचा रुग्ण आढळून आल्याने उत्तर प्रदेशातील नागरिकांमध्ये भीतीचं वातावरण आहे. भारतात आतापर्यंत ३१ जणांना करोनाची लागण झाल्याचं समोर आलं आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
