हायलाइट्स:
- पान खाऊन खिडकीबाहेर थुंकणं तरूणाच्या जीवावर बेतलं
- घरात घुसून कपडे विकणाऱ्या तरुणावर झाडल्या गोळ्या
- बिहारमधील सिवान जिल्ह्यातील धक्कादायक घटना
- घटनेनंतर काही तासांच्या आतच आरोपीला पोलिसांनी केली अटक
सिवान जिल्ह्यात रविवारी रात्री धक्कादायक घटना घडली. कपडे विकून उदरनिर्वाह करणाऱ्या एहसान मलिक या तरुणाला आपला जीव गमवावा लागला. २७ वर्षीय एहसान हा मूळचा उत्तर प्रदेशातील शामली जिल्ह्यातल्या शाहबाजपूर येथील रहिवासी होता. तो सिवानमधील एका गावात भाड्याने घर घेऊन राहायचा. पुरानी किला पोखर परिसरात तो भाड्याने घेतलेल्या घरात राहायचा. रविवारी रात्री साडेआठच्या सुमारास तो घरात स्वयंपाक करत होता. त्याने पान खाल्ला होता. किचनमधील खिडकीतून तो बाहेर थुंकला. त्याचवेळी रस्त्यावरून एक तरूण जात होता. यामध्ये त्याचे कपडे खराब झाले. रागाच्या भरात तो तरूण घरामध्ये घुसला आणि त्याने एहसानवर गोळ्या झाडल्या. यात तो गंभीर जखमी झाला होता.
इंजिनीअर तरूण बनला अट्टल चोर; चोरीच्या पैशांतून घेतला अलिशान फ्लॅट आणि कार
धक्कादायक! महागडे टॅटू, नशेची लत अन् गर्लफ्रेंडवर पैसा उधळण्यासाठी ‘त्यांनी’ हद्दच ओलांडली!
२७ वर्षीय एहसानला जखमी अवस्थेत सदर हॉस्पिटलमध्ये नेण्यात आले. तेथे डॉक्टरांनी तपासणी करून त्याला मृत घोषित केले. मारेकऱ्याची ओळख पटली असून, गोलू मियाँ असे त्याचे नाव आहे. एहसानवर गोळ्या झाडल्यानंतर तो तेथून पसार झाला. सराई पोलीस चौकीचे अधिकारी मोहम्मद तन्वीर आलम यांनी सांगितले की, गोलूला दुसऱ्या दिवशी अटक करण्यात आली आहे. चौकशीत त्याने गुन्ह्याची कबुली दिली आहे. गोलू हा पुरानी किला परिसरातच राहतो. त्याने गावठी पिस्तूल जवळ बाळगला होता. एहसानचा मृतदेह त्याच्या नातेवाइकांकडे सोपवण्यात आला आहे. तो परिसरातील गावांमध्ये दारोदारी कपडे विकायचा. येथील भाड्याने घेतलेल्या घरात तो राहत होता, अशी माहिती पोलिसांनी दिली. दरम्यान, आरोपी गोलू याला स्थानिक कोर्टात हजर केले असता, त्याचा १४ दिवसांची न्यायालयीन कोठडी देण्यात आली आहे.
म्हशींच्या तबेल्यात सुरू होता देहव्यापार; ‘त्या’ एका मेसेजने केला पर्दाफाश
पुणे: दरोड्याच्या तयारीत होती टोळी, ज्वेलर्सचे दुकान होते टार्गेटवर; इतक्यात…
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
