कोल्हापूर न्यूज टुडे: पगार आणि बोनसची रक्कम काढून बँकेतून बाहेर पडताच घडलं भयंकर, ऐन दिवाळीत कोल्हापूर हादरलं – in kolhapur rs 1.5 lakh of salary and bonus was stolen from a bank

कोल्हापूर : करोनाच्या संकटामुळे आधीच आर्थिक तंगी आहे. अशात कोल्हापूरमध्ये असं काही घडलं की ऐन दिवाळीच्या सणात नागरिकांमध्ये भीतीचं वातावरण आहे. खरंतर, लॉकडाऊनमध्ये सगळ्यांनाचा आर्थिक फटका बसला. त्यामुळे चोऱ्या, लुटमार आणि गुन्ह्यांच्या प्रकारामध्ये मोठी वाढ झाली आहे. कोल्हापूरमध्येही असं काही घडलं की तुम्हाला विचारही करवणार नाही.

पगार आणि बोनसची रक्कम काढून बँकेतून बाहेर पडताच एका वृद्धाला एक दोन भामट्यांनी हातोहात फसवून दीड लाखाची रक्कम पसार केली. दुपारी गजबजलेल्या दसरा चौकात हा प्रकार घडला. सणासुदीच्या दिवसात बँकेत पैसे काढण्यासाठी गर्दी होत असताना त्याचा गैरफायदा या भामट्यांनी घेतल्याने खळबळ उडाली आहे.

shiv sena wins dadra and nagar haveli bypoll : भाजपचा धुव्वा! दादरा आणि नगर हवेलीत शिवसेनेचा भगवा फडकला, कलाबेन डेलकर विजयी
मिळालेल्या माहितीनुसार, फुलेवाडी कोतवाल नगर येथे राहणारे पांडूरंग शामराव भोसले हे दुपारी १२च्या सूमारास दसरा चौकात कॅनरा बँकेत पैसे काढण्यासाठी आले होते. ते बँकेतून सुमारे दीड लाख रुपयांची रोकड काढून बॅग घेऊन बँकेच्या दारात उभे होते. यावेळी तिथे एक अज्ञात तरुण आला. मामा तुमचे पैसे पडले आहेत असे सांगताच भोसले इकडे तिकडे पाहू लागले. त्यांचे लक्ष विचलित करून त्याच्या हातातील दीड लाख रुपये असलेली बॅग घेऊन भामटा पसार झाला.

सध्या दिवाळी सुरू असल्याने पैसे काढण्यासाठी बँकात गर्दी होत आहे. या गर्दीवर लक्ष ठेवून पैसे लंपास करणाऱ्यांची संख्या वाढली आहे. भर दुपारी आणि भर चौकात ही घटना घडल्यामुळे शहरात एकच खळबळ उडाली. लक्ष्मीपुरी पोलीस ठाण्याचे पोलीस निरीक्षक अनिल भुजबळ आणि पोलिसी उपनिरीक्षक अंजना फाळके हे पोलीस कर्मचऱ्यासह दाखल झाले असून घटनास्थळावरील सीसीटीव्ही फुटेजवरून अज्ञाताचा शोध घेतला जात आहे.
मुंबईत थरार! पाठलाग करणाऱ्या पोलिसांवरच चोराने केला चाकूहल्ल्याचा प्रयत्न