हायलाइट्स:
- नामांकित कंपन्यांच्या नावांचा वापर करून फसवणूक
- मुंबई सायबर पोलिसांनी सर्व नागरिकांना केलं सावध
- दिवाळी ऑफर स्वीकारताना जपून व्यवहार करण्याच्या सूचना
दिवाळीच्या सणाला घरगुती उत्पादने, कपडे तसंच इतर वस्तू मोठ्या प्रमाणात खरेदी केल्या जातात. दोन वर्ष करोनामध्ये गेल्यामुळे यावर्षी अनेक कंपन्यांनी ग्राहकांसाठी विविध योजना आणल्या आहेत. अ‍ॅमेझॉन, फ्लिपकार्टसारख्या कंपन्या यामध्ये आघाडीवर आहेत. एकावर एक मोफत, किमतीत ३० ते ४० टक्के सूट, गिफ्ट व्हाउचर, लकी ड्रॉ अशा योजनांच्या जाहिराती सगळीकडे झळकत आहेत.
Uddhav Thackeray: दिवाळीच्या धामधुमीत CM ठाकरे यांचे महत्त्वाचे निर्देश; ‘कोविड अद्याप गेला नसून…’
आकर्षक जाहिराती असलेल्या कंपन्यांच्या उत्पादनांकडे ग्राहकांचा कल पाहून या कंपन्यांच्या नावाने फसवण्याचे प्रकार सुरू झाले आहेत. सवलत मिळवण्यासाठी ग्राहकाच्या डेबिट अथवा क्रेडिट कार्डचा तसंच बँक खात्याचा तपशील घेऊन आर्थिक फसवणूक केली जात आहे.
या घटना वाढल्याने सायबर पोलिसांनी सर्वसामान्य नागरिकांना सावध केलं आहे. कोणत्याही दिवाळी ऑफर्स स्वीकारताना प्रथम शहानिशा करावी तसंच कोणतीही वैयक्तिक माहिती अथवा बँकेचा तपशील अनोळखी व्यक्तीला देऊ नये, असंही सायबर पोलिसांनी कळवलं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
