याबाबत ४७ वर्षीय महिलेने तक्रार दिली आहे. त्यानुसार अज्ञात व्यक्तींविरोधात गुन्हा दाखल करण्यात आला आहे. दोन ते २९ एप्रिल २०२१ दरम्यान ही घटना घडली. पोलिसांनी दिलेल्या माहितीनुसार, तक्रारदार महिला व तिची मुलगी चंदननगर परिसरात राहतात. तक्रारदार यांची मुलगी आयटी कंपनीत नोकरी करते, तर त्या गृहिणी आहेत. तक्रारदार यांचे सोशल मीडियावर प्रोफाइल होते. त्यावर एका अनोळखी व्यक्तीची त्यांना ‘फ्रेंड रिक्वेस्ट’ आली. त्यांनी ती स्वीकारल्यानंतर आरोपीने त्यांच्यासोबत चॅटिंग सुरू केले. मी परदेशात पायलट असून, मला मोठा पगार असल्याचे आरोपीने सांगितले. त्यांच्यानंतर व्हॉट्स अॅप क्रमांकावरून चॅटिंग सुरू झाले. आरोपीने परदेशातून काही भेटवस्तू पाठवीत असल्याचे सांगितले. त्याची यादीही व्हॉट्स अॅपवर पाठविली.
मुंबईत उच्चभ्रू सोसायटीत ४ महिन्यांपासून सुरू होता धक्कादायक प्रकार, अखेर त्या महिलेने…
तक्रारदार यांना एका व्यक्तीचा दिल्ली कस्टममधून फोन आला. परदेशातून आलेल्या भेटवस्तू पकडल्या असून, त्या सोडविण्यासाठी एका खात्यावर पैसे भरण्यास सांगितले. त्यानंतर विविध कारणे सांगून तक्रारदार यांच्याकडून आरोपींनी अंदाजे १० लाख ३६ हजार रुपये घेतले. एवढे पैसे भरूनही त्यांना भेटवस्तू मिळाल्या नाहीत. त्यामुळे त्यांना फसवणूक झाल्याचे लक्षात आले. याबाबत त्यांनी सायबर सेल पोलिसांकडे तक्रार दिली होती. या तक्रारीची चौकशी करून त्यांनी चंदननगर पोलिसांकडे गुन्हा दाखल करण्यासाठी पाठविला आहे. या प्रकरणी आरोपींनी पैसे काढलेल्या खात्यांची माहिती काढली असून, ती परराज्यातील असल्याचे निष्पन्न झाले आहे. या प्रकरणी वरिष्ठ निरीक्षक सुनील जाधव तपास करीत आहेत.
क्रूरतेचा कळस! ६ महिन्यांची गरोदर असलेल्या पत्नीला दिले पेटवून
नातेवाइकांकडून घेऊन दिले पैसे
तक्रारदार गृहिणी आहेत. त्यांची मुलगी नोकरी करते; पण त्यांच्याकडे मोठी रक्कम नव्हती. आरोपी त्यांना आमिष दाखवून सतत पैसे मागत होते. त्यामुळे त्यांनी काही नातेवाइकांकडे पैशांची मागणी केली. त्यांच्याकडून पैसे घेऊन आरोपींना दिल्याचे पोलिसांच्या चौकशीत समोर आले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
