rajasthan news: बेपत्ता ११ वर्षीय मुलगी गावाबाहेर सापडली; आपबीती सांगितल्यानंतर कुटुंबीयांना मोठा धक्का – rajasthan rape case neighbor relative kidnapped and raped 11 year old girl in churu

चुरू: राजस्थानच्या चुरूमध्ये एक धक्कादायक घटना उघडकीस आली आहे. चुरू जिल्ह्यातील तारानगरमधील एका गावात ११ वर्षांच्या मुलीचं अपहरण करून तिच्यावर अत्याचार केले. बेपत्ता झालेली ११ वर्षाची गावाबाहेर जखमी अवस्थेत सापडली.

पीडितेच्या आईने दिलेल्या तक्रारीनुसार, तारानगर पोलीस ठाण्यात एका संशयित व्यक्तीविरोधात पॉक्सो अंतर्गत गुन्हा दाखल करण्यात आला आहे. तारानगर पोलिसांनी येथील स्थानिक रुग्णालयात बालिकेची वैद्यकीय तपासणी केली. पोलिसांनी दिलेल्या माहितीनुसार, ३२ वर्षीय महिलेने पोलिसांत तक्रार दाखल केली होती. रविवारी रात्री साधारण आठ वाजताच्या सुमारास तिची आठ वर्षांची मुलगी बेपत्ता झाली होती. कुटुंबीयांनी तिचा रात्रभर गावात शोध घेतला. पहाटे साधारण चार वाजता गावाच्या बाहेर एका मुलीचा रडण्याचा आवाज ऐकू आला. कुटुंबीयांनी जाऊन पाहिलं असता, ११ वर्षांची मुलगी जखमी अवस्थेत पडली होती.

सोशल मीडिया स्टार फैजल शेखला पोलिसांनी घेतले ताब्यात, काय आहे प्रकरण?
मुंबईत उच्चभ्रू सोसायटीत ४ महिन्यांपासून सुरू होता धक्कादायक प्रकार, अखेर त्या महिलेने…

पोलिसांनी दिलेल्या माहितीनुसार, कुटुंबीयांनी बालिकेला घरी नेले. तिच्याकडे घडलेल्या प्रकाराबाबत विचारणा केली. त्यावेळी मुलीने तिच्यावर गुदरलेला प्रसंग सांगितला. संध्याकाळी ती घरासमोर उभी होती. त्याचवेळी एक तरूण दुचाकीवरून तिथे आला. त्याने तिला दुचाकीवर बसवले आणि तिला गावाच्या बाहेर घेऊन गेला. तिथे आरोपीने तिला जीवे मारण्याची धमकी देऊन तिच्यावर अत्याचार केले. बालिकेचा शोध घेणाऱ्यांचा आवाज ऐकून त्या तरूणाने त्याची बाइक तिथेच सोडून पळ काढला. आरोपी तरूण हा पीडितेच्या शेजारी राहणाऱ्या व्यक्तीचा नातेवाइक आहे. त्याचे गावात येणे-जाणे होते. पोलिसांनी त्याचा शोध घेण्यासाठी पथके स्थापन केली आहेत. या प्रकरणी पोलिसांनी गुन्हा दाखल करून, आरोपीचा शोध घेण्यास सुरुवात केली आहे. पुढील तपास सुरू आहे.

सावधान! पुण्यातील महिलेसोबत ‘जे’ घडलं ते कुणासोबतही घडू शकतं!
धक्कादायक! ७५ वर्षीय वृद्धाचा तरुणीवर अत्याचार; मुलगा व पुतण्यालाही अटक