gujarat: मन सुन्न करणारी घटना! फटाके देण्याच्या बहाण्याने नेले, मुलाला पुलावरून नदीत फेकले – father pushed his son in river in surat gujarat

सूरत: गुजरातमधील सूरतमध्ये मन सुन्न करणारी घटना घडली आहे. बापानेच आपल्या १२ वर्षांच्या मुलाला पुलावरून खाली नदीत फेकले. दगडाचं काळीज असलेल्या या बापाने आपल्या मुलाला फटाके खरेदी करून देण्याच्या बहाण्याने सोबत नेले होते. सेल्फी घेताना मुलगा नदीत पडल्याचा बनाव त्याने रचला होता. मात्र, पोलीस तपासात सत्य उघड झाल्यानंतर पोलिसांनी आरोपीला अटक केले.

सूरतच्या नानपुरा परिसरात ही धक्कादायक घटना घडली. ३१ वर्षीय आरोपी जाकिरने ३१ ऑक्टोबर रोजी आपल्या मुलाला तापी नदीवरील मक्काई पुलावर नेले होते. त्या पुलावरून त्याने आपल्या मुलाला नदीत ढकलले. मुलगा नदीत पडल्याचे भासवण्यासाठी त्याने मदतीसाठी आरडाओरड केली. माझा मुलगा नदीत पडला, असे तो जोरजोरात बोलू लागता. घटनास्थळी धावून आलेल्या स्थानिकांनी पोलीस आणि अग्निशमन दलाला फोन करून मदत मागितली. पोलिसांनी अग्निशमन दलाच्या मदतीने मुलाचा मृतदेह नदीपात्रातून बाहेर काढला.

पत्नीसोबत अनैतिक संबंध असल्याचा संशय, पोलिसांची दिशाभूल करण्यासाठी रचला होता भयानक कट
शिकवणीला येणाऱ्या १४ वर्षीय मुलाचं शिक्षिकेकडून शोषण; कोर्टानं ठोठावली शिक्षा

पोलिसांनी केलेल्या चौकशीत जाकिरने सांगितले की, तो आपल्या मुलाला फटाके घेऊन देण्यासाठी सोबत घेऊन गेला होता. रस्त्यात तो पुलावरील कठड्यावर बसून सेल्फी घेत होता. त्याचवेळी मुलगा नदीत पडला. पोलिसांनी दुसरीकडे तपास सुरूच ठेवला होता. त्याच्या पत्नीचीही चौकशी केली. आरोपीच्या पत्नीने पोलिसांना सांगितले की, गेल्या पाच वर्षांपासून ते पतीपासून वेगळी राहते. कारण पती चारित्र्यावर संशय घेत होता. त्याने याआधीही आपल्या मुलाला जीवे मारण्याचा प्रयत्न केला होता. त्यावेळी त्याने मुलाला दुसऱ्या मजल्यावरून खाली ढकलून दिले होते, असे पत्नीने पोलिसांना सांगितले.

सहा वर्षांच्या मुलीसमोरच घडला भयानक प्रकार; आईची हत्या ड्रायव्हरने केल्याचे उघड

क्राइम शो बघून शेजारच्या मुलांनी केली ‘त्या’ वृद्धेची हत्या; पुण्यातील घटनेने खळबळ

पोलिसांनी आरोपीला ताब्यात घेऊन खाक्या दाखवला. त्यानंतर आरोपीने गुन्ह्याची कबुली दिली. पोलिसांनी पत्नीच्या तक्रारीवरून गुन्हा दाखल केला आहे. या घटनेचा पुढील तपास सुरू आहे, अशी माहिती पोलिसांनी दिली.