हायलाइट्स:
- दहिसर येथील महिलेची मोठी आर्थिक फसवणूक
- बक्षीस म्हणून १२ लाखांची कार मिळाल्याचं सांगून घातला गंडा
- पोलीस ठाण्यात गुन्हा दाखल
दिवाळी निमित्त ॲमेझॉन, फ्लिपकार्ट यासारख्या अनेक कंपन्या ग्राहकांसाठी वेगवेगळ्या ऑफर्स घेऊन बाजारात उतरल्या आहेत. याच कंपन्यांच्या नावांचा वापर करून सायबर भामट्यांनी वेगवेगळ्या सवलती, लकी ड्रॉ, लॉटरी अशा योजनांच्या आमिषाने सर्वसामान्य नागरिकांची फसवणूक करण्यास सुरुवात केली.
Aryan Khan Drugs Case ड्रग्ज पार्टी: CCTV फुटेजमध्ये दिसली शाहरुखच्या मॅनेजरची कार, ‘ती’ महिला कोण?
दहिसर येथे राहणाऱ्या रमीला यांनी काही दिवसांपूर्वी ॲमेझॉनच्या संकेतस्थळावरून खरेदी केली होती. त्यानंतर त्यांच्या मोबाइलवर एक संदेश आला. ॲमेझॉनवर खरेदी करणाऱ्यांच्या मोबाईल क्रमांकाचा लकी ड्रॉ काढण्यात आला असून यामध्ये आपल्याला पहिले बक्षीस मिळणार आहे. टाटा सफारी कार किंवा १२ लाख रोख रक्कम या दोघांपैकी तुम्हाला काहीही घेता येईल.
कार जिंकल्याचा आनंद रमीला यांना झाला आणि त्यांनी त्वरित हा संदेश पाठवणाऱ्या व्यक्तीशी संपर्क साधला. समोरच्या व्यक्तीने रमीला यांना बक्षीस मिळवण्यासाठी सर्व्हिस चार्जेस भरावे लागतील, असं सांगितलं. यावर मी आपल्यावर कसा विश्वास ठेवायचा असा प्रश्न रमीला यांनी करताच त्यानं व्यक्तीने ॲमेझॉन कंपनीचे ओळखपत्र आणि आधार कार्ड पाठवलं.
ओळखपत्र पाठवल्याने रमीला यांना खात्री पटली आणि त्यांनी पैसे भरायची तयारी दर्शवली. त्यानंतर आरोपींनी सर्व्हिस चार्जेस, जीएसटी, आरबीआय चार्जेस, इंटरसिटी ट्रान्सफर अशी वेगवेगळी कारणे सांगून जवळपास अडीच लाख रुपये ऑनलाइन ट्रान्सफर करून घेतले. रमीला यांना संशय येताच बक्षीस नको मी भरलेले पैसे परत करा, अशी मागणी केली. त्यानंतर समोरील व्यक्तीने रमीला यांच्या फोनला प्रतिसाद देणंच बंद केलं. त्यावेळी आपली फसवणूक झाल्याचे रमीला यांच्या लक्षात आले आणि त्यांनी पोलिसांत धाव घेतली. याप्रकरणी पोलिसांकडून आता आरोपींचा शोध सुरू आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
