हायलाइट्स:

  • फटाके फोडण्यावरून झाला वाद
  • कुटुंबाला शिवीगाळ आणि मारहाण
  • ३ जणांविरोधात गुन्हा दाखल

औरंगाबाद : ‘जोरजोरात आरडा ओरड करून आमच्या घरासमोर फटाके का फोडता,’ असा जाब विचारणाऱ्या व्यक्तीला आणि त्याच्या पत्नी व भावाला तीन जणांनी शिवीगाळ करून मारहाण केल्याची घटना जवाहरनगर पोलीस ठाण्याच्या परिसरात घडली आहे.

जवाहरनगर पोलिसांनी दिलेल्या माहितीनुसार, विष्णूनगर भागात राहणाऱ्या सचिन दत्तायत्र डहाळे (३७) यांच्या घरासमोर २ नोव्हेंबर रोजी रात्री साडे अकरा वाजेच्या सुमारात काही जण फटाके फोडत होते. फटाके फोडताना जोरजोरात आरडा-ओरडही होत असल्याने डहाळे यांनी सदर फटाके फोडणाऱ्यांना घरासमोर फटाके का फोडता? ही फटाके फोडण्याची वेळ आहे का? घरात लहान मुलं घाबरत आहेत, असं सांगितलं.

विवाहित महिला शेतात गेल्यानंतर घडला संतापजनक प्रकार; ५० वर्षीय व्यक्तीने…

सचिन डहाळे हे अभि राठोड व त्याच्यासोबत अन्य दोन जणांना समजावून सांगत होते. मात्र त्यानंतर रागावलेल्या अभि राठोड आणि त्याच्यासोबत असलेल्या दोघांनी डहाळे यांना शिवीगाळ केली. मध्यस्थी करण्यासाठी आलेल्या डहाळे यांच्या पत्नी व भावालाही शिवीगाळ करून लाथा बुक्क्यांनी मारहाण केली.

दरम्यान, या प्रकरणी सचिन डहाळे यांच्या तक्रारीवरून मारहाण करणाऱ्या अभि राठोड व त्याच्यासोबत अन्य दोन जणांच्या विरोधात जवाहरनगर पोलीस ठाण्यात गुन्हा दाखल करण्यात आला आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here