deepotsav in ayodhya 2021: Ayodhya: अयोध्या ‘दीपोत्सवा’नंतर विझलेल्या पणत्यांतून उरलेलं तेल गोळा करायला झुंबड! – ayodhya : darkness was seen in ayodhya under the light of lamps

अयोध्या : उत्तर प्रदेशमध्ये नुकताच दिवाळीनिमित्तानं भव्य दिव्यांचा सण कार्यक्रम पार पडला. अयोध्येतील ‘राम की पैडी’ भाग बुधवारी ३ ऑक्टोबर रोजी तब्बल नऊ लाख दिव्यांनी उजळून निघाला. याचसोबत, दिवे पेटवण्याचा एक अनोखा रेकॉर्डही कायम करण्यात आला. उत्तर प्रदेशचे मुख्यमंत्री योगी आदित्यनाथ यांनी मोठ्या कौतुकाने याची माहितीही नागरिकांना दिली. परंतु यासोबतच, दीपोत्सवाच्या कार्यक्रमानंतर घाटांवर विझलेल्या दिव्यांतून तेल गोळा करण्यासाठी परिसरातील गरीब नागरिकांना एकच गर्दी केलेलीही दिसून आली.

अयोध्येतील ‘शरयू पैडी’चे १२ घाट आहेत. या कार्यक्रमात तब्बल १२ हजार स्वयंसेवकांनी सहभाग नोंदवला होता. दिवाळीच्या या कार्यक्रमात केवळ दिवे पेटवण्यासाठी तब्बल ३६ हजार लीटर मोहरीच्या तेलाचा वापरण्यात आल्याचा अंदाज आहे.

अयोध्येत मोठ्या उत्साहात दिवाळी साजरी

Fuel Prices: ‘भीतीमुळेच भाजपनं घेतला इंधन दरकपातीचा निर्णय, योग्य प्रत्यूत्तर मिळेल’
Asaduddin Owaisi: ‘नमाज बंद करवून त्याजागी पूजा करणं, हा मुस्लिमांप्रती द्वेष’

अनेक गरीब घरांत मोहरीचं तेल खाण्यासाठीही वापरलं जातं. त्यामुळे शहरातील अनेक नागरिकांची विझलेल्या दिव्यांतील तेल गोळा करण्यासाठी झुंबड उडालेली दिसली. या तेलांचा वापर घरी जेवण बनवण्यासाठी वापरण्याचा मानस या नागरिकांनी व्यक्त केला. यासाठी डब्बे आणि बाटल्या भरून नागरिकांनी तेल गोळा केलं.

अयोध्येत मोठ्या उत्साहात दिवाळी साजरी

मोहरीचं तेल बाजारात तब्बल २०० रुपये लीटर मिळतंय. पण इथं विझलेल्या दिव्यांतील तेल वायाच जाणार आहे. इथं ते मोफत मिळतंय, असं तेल गोळ्या करणाऱ्या नागरिकांचं म्हणणं होतं.

तर करोना संक्रमणकाळात नोकऱ्या आणि मजुरी गमावणाऱ्या अनेकांना महागाईच्या काळात दिवाळी साजरी करणं दूरच पण दररोजचं जेवण मिळवणंही कठीण झालंय.

तेल जमा करण्यासाठी नागरिकांची गर्दी वाढत चालल्याचं पाहून पोलिसांनी या नागरिकांना रोखण्याचा प्रयत्न केला. परंतु, त्यानंतरही या गरीबांनी आपल्या गरजेपुरतं का होईना पण दिव्यांतलं तेल गोळा केलंच!

Fuel Prices: पेट्रोल-डिझेल भरण्यासाठी बिहारवासियांच्या नेपाळमध्ये रांगा!
फटाक्यांनी बिघडवली ‘हवा’, दिल्लीसह अनेक शहरांमध्ये प्रदूषण उचांकी पातळीवर