crime news in delhi: पत्नीच्या सोशल मीडियावरील मित्राला समज द्यायला गेला पती, घडलं मात्र भलतंच! – new delhi crime social media friend of wife beats and broke teeth her husband

नवी दिल्ली: सोशल मीडियावरून महिलेशी गप्पा मारू लागल्यानंतर संबंधित मित्र तिच्यासोबत मोबाइलवर फोन करून गप्पा मारू लागला. महिला अखेर वैतागली आणि तो मात्र तिला फोन करू लागला. महिलेच्या पतीनेही त्याला समज देण्याचा प्रयत्न केला. मात्र, तिच्या मित्राला ते मान्य नव्हते. महिलेचा पती जाब विचारण्यासाठी त्याच्या घरी पोहोचला. मात्र, मित्राने तिच्या पतीवर हल्ला केला. यात त्याचे दातही पाडले. नवी दिल्लीतील भजनपुरा पोलिसांनी पीडिताच्या तक्रारीनंतर गुन्हा दाखल केला आहे.

४८ वर्षीय पीडित व्यक्ती आपल्या कुटुंबीयांसोबत भजनपुरा परिसरात राहते. ती मुलांचे क्लास घेते. पीडित व्यक्तीच्या पत्नीची मैत्री सोशल मीडियावरून भरत नावाच्या तरुणासोबत झाली. तो सुद्धा त्याच परिसरात राहतो. सोशल मीडियावर चॅटिंग करताना दोघांनी एकमेकांचा मोबाइल नंबर घेतला. त्यानंतर भरत तिच्याशी वारंवार फोनवर बोलू लागला. मात्र, फोनवर बोलताना त्याचा तिला त्रास होऊ लागला.
बहिणीचा पती दुसरं लग्न करणार होता, त्याआधीच सैन्यातील मेहुण्यानं उचललं भयंकर पाऊल

जमावानं दोन तरुणांना झाडाला बांधून केली मारहाण; व्हिडिओ व्हायरल, कारण आलं समोर

आपल्याला वारंवार फोन करून त्रास देऊ नको, असं तिनं भरतला सांगितलं. मात्र, त्याने तिचे काहीही ऐकले नाही. तिच्या बोलण्याचा त्याच्यावर काहीही एक परिणाम झाला नाही. अखेर त्रासाला वैतागून महिलेचा पती त्याला जाब विचारण्यासाठी घरी पोहोचला. आरोपीने पीडित व्यक्तीला त्याच्या घरी पोहोचण्याआधीच रस्त्यात रोखले. दोघांमध्ये बाचाबाची झाली. त्याचे पर्यावसन हाणामारीत झाले. त्यानंतर भरतने तक्रारदाराला लाथाबुक्क्यांनी मारहाण करण्यास सुरुवात केली. या मारहाणीत त्याचे दोन दात पाडले. हल्ल्यानंतर आरोपी भरत तेथून पसार झाला. या घटनेची माहिती मिळाल्यानंतर पोलीस घटनास्थळी पोहोचले. पोलिसांनी जखमी व्यक्तीला उपचारासाठी रुग्णालयात दाखल केले. पोलिसांनी पीडितेच्या तक्रारीवरून आरोपीविरोधात गुन्हा दाखल केला आहे. या घटनेचा पुढील तपास सुरू आहे.

तरुणींसोबत कॉलवर बोलताना बनवायचे अश्लील व्हिडिओ; असा झाला पर्दाफाश
कुटुंब बाहेरगावी गेलं होतं, बंगल्यावर पोहोचल्यानंतर ‘ते’ दृश्य बघून हादरलेच!