ahmedabad double murder: Ahmedabad double Murder: पैशांसाठी वृद्ध दाम्पत्याची ‘त्यांनी’ केली हत्या, फ्लॅटमध्ये मिळाले अवघे ५०० रुपये – gujarat ahmedabad double murder case police arrests two labours

अहमदाबाद: गुजरातच्या अहमदाबाद शहरात वृद्ध दाम्पत्याच्या हत्या प्रकरणात पोलिसांच्या तपासाला यश आलं आहे. पोलिसांनी झारखंडमध्ये राहणाऱ्या दोन मजुरांना अटक केली. शहर पोलीस गुन्हे शाखेला आरोपींबाबत गुप्त माहिती मिळाली होती. त्या माहितीच्या आधारे पोलिसांनी कारवाई करून मुकुट आणि इमान या दोन आरोपींना अटक केली. हे दोघेही झारखंडच्या खुंटी येथील राहणारे आहेत. पैशांसाठी त्यांनी वृद्ध दाम्पत्याची हत्या केली. पोलीस चौकशीत त्यांनी गुन्ह्याची कबुली दिली आहे.

पोलिसांनी दिलेल्या माहितीनुसार, शहरातील घाटलोदिया परिसरात एका रहिवासी इमारतीच्या तिसऱ्या मजल्यावर एका फ्लॅटमध्ये दयानंद शानबाग (वय ९०) आणि विजयलक्ष्मी (८०) हे दोघे मृतावस्थेत आढळले होते. पोलिसांनी सांगितले की, त्या दोघांचीही हत्या झाली होती. आरोपी गेल्या दोन महिन्यांपासून त्याच परिसरात एका इमारतीच्या बांधकामाच्या ठिकाणी काम करत होते. या दोघांनी पैशांसाठी वृद्धांची हत्या केल्याची कबुली पोलीस चौकशीत दिली आहे.

मैत्रीणीनंच केला घात! जीवलग मैत्रिणीला केले हैवानांच्या हवाली, कारमध्ये तरुणीवर सामूहिक बलात्कार
गर्लफ्रेंडसोबत हॉटेलच्या खोलीत होता पोलीस अधिकारी, बायकोने टाकली अचानक ‘रेड’ अन्…

पोलिसांनी सांगितले की, आरोपींना पैशांची गरज होती. त्यांना आपल्या कुटुंबीयांना पैसे पाठवायचे होते. आरोपींनी कट रचून एका इमारतीला लक्ष्य करण्याचे ठरवले. या इमारतीच्या १२ फ्लॅटमध्ये अगदी हाताच्या बोटावर मोजता येतील इतकी माणसं राहत होती. इमान ठरल्यानुसार इमारतीच्या खाली थांबला. तर मुकुट इमारतीत गेला आणि तिसऱ्या मजल्यावर राहणाऱ्या शानबाग यांच्या घरात घुसला. वृद्ध दाम्पत्याने त्याला विरोध केला. त्याने चाकूने दोघांचीही हत्या केली. मुकुट याच्या हाती काहीच लागले नाही. कपाट आणि किचनमध्ये काहीच सापडले नाही. आरोपीला या वृद्धाच्या घरात फक्त पाचशे रुपये सापडले. ते घेऊन तो पसार झाला.

४३ लाख रुपये घेऊन कोट्यधीशाची पत्नी रिक्षाचालकासोबत पळाली, पैसे संपल्यानंतर…