सातारा बातम्या live: सख्ख्या भावाला झोपेतून उठवलं आणि कुर्‍हाडीने वार करत केलं ठार, कारण वाचून विश्वास बसणार नाही – br​other brutally murdered for water in satara

सातारा : गेल्या काही दिवसांमध्ये राज्यात गुन्ह्यांचे धक्कादायक प्रकार समोर आले आहेत. यामध्ये अनेक बातम्या या नात्यांना काळीमा फासणाऱ्याच होत्या. आताही राज्यातील साताऱ्यामध्ये अशीच एक काळजाचा ठोका चुकावणारी घटना समोर आली आहे. ज्वारीच्या पिकाला पाणी देण्यास मनाई केल्याच्या रागातून सख्या भावानेच भावाचा खून केल्याची घटना सातारा जिल्ह्यातील माण तालुक्यातील वरकुटे मलवडी या ठिकाणी घडली आहे.

सामना जिंकून जल्लोष सुरू असताना मैदानावरच क्रिकेटपटूचा मृत्यू, काळजाचा ठोका चुकावणारी घटना
मारुती धुळा वाघमोडे आणि आबा मारुती वाघमोडे या दोघांनी अण्णा धुळा वाघमोडे वय ७५ यांचा खून केला केल्याचा धक्कादायक प्रकार घडला आहे. मंगळवारी पहाटे ही घटना घडली असून म्हसवड पोलीस ठाण्यात या प्रकरणाचा गुन्हा दाखल करण्यात आला आहे. अण्णा वाघमोडे हे झोपले असताना या ठिकाणी जाऊन मारुती वाघमोडे व मुलगा आबा वाघमोडे यांनी आण्णा वाघमोडे यांना झोपेतून उठवून शेतातून पाणी नेऊ दे असे विचारले असता अण्णां वाघमोडे यांनी त्याला नकार दिला.

याच रागातून दोघांनी संगनमताने कुर्‍हाडीने वार करून खून त्यांचा केल्याची घटना या ठिकाणी घडली आहे. या घटनेनंतर सहाय्यक पोलीस निरीक्षक बाजीराव ढेकळे यांनी घटनास्थळी भेट देऊन पंचनामा केला आहे. या प्रकरणी संशयित मारुती वाघमोडे आणि आबा वाघमोडे यांना अटक करण्यात आली असून पुढील तपास सुरु आहे.
बेनामी संपत्तीबद्दल बोलायला लावू नका, नाहीतर…; नवाब मलिक यांचा अमृता फडणवीसांना इशारा