हायलाइट्स:

  • गुजरातमध्ये द्वारका येथे आणखी एक मोठी ड्रग्जची खेप पकडली
  • जवळपास ३०० कोटी रुपये किंमतीचे ड्रग्ज
  • ड्रग्ज समुद्रीमार्गे गुजरातमध्ये आणल्याची माहिती
  • सप्टेंबरमध्येही गुजरातमधून कोट्यवधींचे ड्रग्ज केले होते जप्त

गांधीनगर: गुजरात पोलिसांच्या अंमली पदार्थविरोधी मोहिमेला मोठं यश मिळालं आहे. काही दिवसांपूर्वी कच्छमधील बंदरावर कोट्यवधींचे ड्रग्ज जप्त केल्यानंतर आता गुजरात पोलिसांनी ड्रग्जविरोधी मोठी कारवाई केली आहे. अंदाजे ३०० कोटी रुपये किंमतीचे ड्रग्ज जप्त केले आहेत. हे ड्रग्ज पाकिस्तानातून समुद्रीमार्गे गुजरातमध्ये आणले जात होते, अशी माहिती समजते.

गुजरातमधील द्वारका जिल्ह्यात ड्रग्जची ही मोठी खेप बुधवारी जप्त करण्यात आली आहे. जवळपास ३०० कोटी रुपये किंमतीचे हे ड्रग्ज असल्याचे पोलिसांनी सांगितले. सकाळी पोलिसांनी केलेल्या कारवाईत ड्रग्जची १९ पाकिटं जप्त केली होती. त्यांची किंमत सुमारे ८८ कोटी रुपये इतकी होती. त्यानंतर जवळपास ड्रग्जची ४७ पाकिटं जप्त करण्यात आली आहेत. पाकिस्तानातून समुद्रीमार्गे हे ड्रग्ज गुजरातमधील किनारी भाग असलेल्या द्वारकामध्ये आणले होते, अशी माहिती पोलिसांनी दिली.

प्रेमविवाह केल्याचा राग डोक्यात; घरी आलेल्या जावयाला सासऱ्यानं संपवलं, घरात पुरलं

पत्नीने छठ पूजेसाठी नवी साडी मागितली; रागाने लाल झालेल्या पतीचं भयानक कृत्य
पोलीस सूत्रांनी दिलेल्या माहितीनुसार, याबाबत गुप्त माहिती मिळाली होती. त्यानंतर सज्जाद (वय ४४) याला पकडण्यात आले. ठाण्यातील मुंब्रा येथील रहिवासी आहे. त्याच्या बॅगमध्ये ड्रग्जची पाकिटं सापडली. त्यात ६.६ किलो एम़ी आणि ११.४ किलो हेरॉइन सापडलं. त्याच्याकडून एकूण तीन बॅग होत्या. त्याची चौकशी केली असता, सज्जाद हा भाजीविक्रेता आहे. सलीम याकुब करा आणि अली याकुब करा या जामनगरमध्ये राहणाऱ्या दोघांनी त्याला ड्रग्ज दिले. पोलिसांनी त्यांच्या घरी छापेमारी केल्यानंतर आणखी ४७ पाकिटं सापडली.

सज्जाद हा एका खून प्रकरणात तुरुंगात होता. तर सलीम करा याला एनडीपीएस कायद्यान्वये कारवाई करून अटक करण्यात आली होती. तसेच बनावट नोटा आणि शस्त्र बाळगल्याप्रकरणीही त्याच्याविरोधात कारवाई करण्यात आली होती.

मुंद्रा बंदरात सप्टेंबरमध्ये २१००० कोटींचे पकडले होते ड्रग्ज

दरम्यान, १३ सप्टेंबर रोजी गुजरातच्या कच्छ येथील मुंद्रा बंदर येथे २१ हजार कोटी रुपये किंमतीचे जवळपास तीन हजार किलो ड्रग्ज जप्त केले होते. ड्रग्जची ही खेप दोन कंटेनरमधून इराण येथून अफगाणिस्तानमार्गे मुंद्रा बंदरात पोहोचली होती. या प्रकरणात आतापर्यंत दहा जणांना अटक करण्यात आली होती. या प्रकरणाची चौकशी एनआयएकडून करण्यात येत आहे.

‘या’ प्रकरणात आता ईडीच्या रडारवर बॉलिवूडचे आणखी दोन सुपरस्टार

गुजरातमध्ये ८८ कोटींचे ड्रग्ज जप्त, एकाला अटक, समुद्रीमार्गे आणलं जात होतं विष

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here