nagpur: भयंकर! बाळासाठी १६ महिने कैदेत ठेवले, प्रसृतीनंतर रस्त्यावर फेकले, नागपूरच्या तरुणीची आपबीती – nagpur 19 year old woman force to surrogacy by couple from madhya pradesh ujjain

उज्जैन: मध्य प्रदेशातील उज्जैनमध्ये एक भयंकर घटना उघडकीस आली आहे. पीडितेसोबत असं काही घडलं की ते ऐकून अंगावर काटा येईल. मूल हवं होतं म्हणून एका जोडप्यानं १९ वर्षीय मुलीचं आयुष्य उद्ध्वस्थ केले. पीडित तरुणीला बेशुद्धावस्थेत रस्त्यावर फेकून दिले. मानवी तस्करीशी सबंधित ही घटना उघडकीस आली आहे.

नागपूरच्या १९ वर्षीय तरुणीसोबत हा धक्कादायक प्रकार घडलाय. उज्जैनमधील एक दाम्पत्यानं तिसऱ्या मुलाच्या हव्यासापोटी तरुणीचा छळ केला. मूल झाल्यानंतर या दाम्पत्याने तिला मरणाच्या दारात फेकले. पोलिसांनी दिलेल्या माहितीनुसार, देवास गेटवर ६ नोव्हेंबरला एक १९ वर्षीय तरुणी बेशुद्धावस्थेत सापडली होती. तिच्याकडे काहीच ओळखपत्र नव्हते. तिच्यासोबत नक्की काय घडलंय याची कल्पनाही पोलिसांना नव्हती. त्यानंतर तिला येथील रुग्णालयात उपचारासाठी दाखल केले. पाच दिवसांनी ती शुद्धीवर आली. त्यानंतर पोलिसांनी तिला वन स्टॉप सेंटरला पाठवले. तिथे समुपदेशन करण्यात आले. त्यावेळी तरुणीने सांगितलेली आपबीती अंगावर काटा आणणारी होती.

धक्कादायक! छठ घाट बघण्यासाठी आलेल्या अल्पवयीन मुलीवर सामूहिक अत्याचार
‘दृश्यम’सारखा थरार वास्तवात; प्राध्यापकानंच घडवून आणली पत्नीची हत्या, असा झाला उलगडा

या तरुणीवर अनेक महिन्यांपासून बलात्कार करण्यात आला. सरोगसीसाठी तिच्यावर दबाव आणला गेला. पीडितेने सांगितले की, आरोपीला दोन मुले होती. काही वर्षांपूर्वी त्यांची दोन्ही मुले मरण पावली. या दाम्पत्याला मूल हवं होतं. मुलासाठी आरोपी आणि त्याच्या पत्नीनं ६० किलोमीटरवरील नागदा येथून तिला एका महिलेकडून खरेदी केले होते. त्याबदल्यात त्या महिलेला पैसेही दिले होते. याबाबत तरुणीला काहीही माहीत नव्हते. नागदा येथून तिला उज्जैन येथे आणण्यात आले. तिला घरात कोंडून ठेवले. अनेक महिन्यांपासून तिच्यावर अत्याचार करण्यात आले. पीडितेने सांगितले की, आरोपींनी आधी तिला बहिणीच्या घरी ठेवले होते. त्यानंतर तिला त्यांच्या घरी घेऊन गेले. तिथे तिच्यावर बलात्कार करत होता. ती गरोदर राहिली. आरोपीची आई आणि पत्नी दोघीही तिची काळजी घेत होते. कारच्या मागच्या सीटमागे बसवून तपासणीसाठी डॉक्टरकडे नेत होते. आरोपीच्या ४२ वर्षीय पत्नीने त्यावेळी गरोदर असल्याचा बनाव केला होता. ती गर्भवती आहे, असे शेजाऱ्यांना वाटावं म्हणून केलेले हे नाटक होते. प्रसृतीच्या वेळी पीडितेला रुग्णालयात दाखल करण्यात आले. आरोपीच्या त्याच्या पत्नीच्या नावाची रुग्णालयात नोंद केली होती. तिथे तरुणीने बाळाला जन्म दिला.

कब्रस्तानमध्ये गप्पा मारत होते प्रेमीयुगुल, इतक्यात तिथं…पुण्यातील धक्कादायक प्रकार
पती-पत्नी आणि ‘तो’; महिलेने पतीचे हातपाय बांधले अन् प्रियकरानं…

आरोपींनी पीडित तरुणीकडून तिचे बाळ घेतले. शस्त्रक्रियेदरम्यान तिला संसर्ग झाला होता. त्याच अवस्थेत तिला देवास गेटवर फेकण्यात आले. शुद्धीवर आल्यानंतर पीडितेने पोलिसांना सर्व हकिकत सांगितली. त्यानंतर पोलिसांनी आरोपी दाम्पत्याला अटक केली आहे पीडितेला आरोपींनी चंदा नावाच्या महिलेकडून खरेदी केले होते, अशी माहिती उघड झाली आहे. पीडिता ही नागपूरची आहे. तिच्या तक्रारीनुसार पोलिसांनी गुन्हा दाखल केला असून, आतापर्यंत या प्रकरणात तिघांना अटक केली आहे.