violating code of conduct: किरीट सोमय्यांवर गुन्हा दाखल होणार? अकोल्यात शिवसेनेने केले आरोप – bjp leader and former mp kirit somaiya accused of violating code of conduct in akola

अकोला: भाजप नेते तथा माजी खासदार किरीट सोमय्या यांच्याकडून आचारसंहितेचा भंग झाल्याचा आरोप करण्यात आला आहे. शासकीय विश्रामगृहामध्ये त्यांनी सत्कार स्वीकारल्यामुळे हा आचारसंहितेचा भंग असल्याचा आरोप शिवसेनेकडून करण्यात आला आहे. यासंदर्भात आज शिवसेना निवडणूक अधिकाऱ्यांडे तक्रार करणार असल्याची माहिती आहे.

मिळालेल्या माहितीनुसार, किरीट सोमय्यांवर गुन्हा दाखल करण्याची मागणी करण्यात येणार आहे. खरंतर, गेल्या काही दिवसांपासून किरीट सोमय्या यांनी महाविकास आघाडीतील नेत्यांवर आरोपांच्या फैरी सुरू केल्या आहेत. सगळ्यांवर ईडीची कारवाई होणार असल्याचं ते म्हणत आहेत. यामुळे आधीच राजकीय वातावरण तापलं असताना आता सत्ताधारीदेखील त्यांच्यावर निशाणा साधण्यात पुढे आहेत.

‘शाकाहारपूरक शहर’ हा पुरस्कार स्वीकारल्यानं मुंबईच्या महापौर वादात
सध्या अकोला जिल्ह्यात विधान परिषदेची आचारसंहिता सुरू आहे. किरीट सोमय्या हे काल बुलडाणा जिल्हा दौऱ्यावर होते. बुलढाणावरून ते अकोला इथे आले होते विश्रामगृहात भाजपच्या दोन आमदार व कार्यकर्त्यांकडून त्यांनी सत्कार स्वीकारला. त्यामुळे शिवसेनेने त्यांच्यावर गुन्हा दाखल करण्याची मागणी केली आहे.

‘कंगनाबेनचं डोकं कशामुळं बधीर झालंय ते वानखेडेच शोधू शकतील’