अमरावतीमध्ये बंदला हिंसक वळण! आंदोलकांकडून दगडफेक, पोलिसांचा लाठीचार्ज – amravati band news national rally against tripura violence unidentified persons thrown stones at shops in maharashtra amravati

अमरावती : गेल्या महिन्यात त्रिपुरातील हिंसाचाराचा वणवा आता महाराष्ट्रात पोहोचला आहे. आजही राज्यात हिंसाचाराच्या घटना समोर येत आहेत. अमरावती, नांदेड आणि नाशिक या तीनही शहारांमध्ये वातावरण चिघळं असून अमरावतीच्या राजकमल चौकात भाजपसह अनेक संघटनांचे कार्यकर्ते जमायला सुरुवात झाली आहे. राजकमल चौकात कार्यकर्त्यांची प्रचंड घोषणाबाजी देण्यास सुरुवात केली आहे.

अमरावतीमध्ये आंदोलनाला हिंसक वळण लागलं असून परिसरात तणावाचं वातावरण आहे. मोठ्या प्रमाणात पोलीस बंदोबस्त तैनात करण्यात आलेला आहे. नागपूरचे डीआयजी संदीप पाटील स्वतः रस्त्यावर उतरून आंदोलकांना आवरण्याचं काम करत आहेत. अनेक ठिकाणी दुकाने आणि गाड्यांची तोडफोड करण्यात आली आहे. राजकमल चौकामध्ये मोठ्या प्रमाणात आंदोलन झाल्यामुळे बंदला अमरावतीमध्ये हिंसक वळण लागल्याचे पाहायला मिळते.

त्रिपुरा राज्यात मुस्लिम समाजातील लोकांवर हल्ले करून मशिदीची तोडफोड करण्यात आली होती. याचाच निषेध म्हणून अमरावतीत मुस्लिम समाजातील लोकांनी अमरावती जिल्हाधिकारी कार्यालयावर मोर्चा काढला होता. मात्र, या मोर्चाला गालबोट लागलं होतं व हिंसक वळन आलं. गाड्या व २० ते २५ दुकानांची तोडफोड करण्यात आली होती. त्यामुळे अमरावती शहरात लूटमार, तोडफोड आणि दगडफेक करण्यात आली असा आरोप भाजपने केला. यावेळी पोलीस यंत्रणा मूकदर्शक बनली होती.
‘शाकाहारपूरक शहर’ हा पुरस्कार स्वीकारल्यानं मुंबईच्या महापौर वादात
संपूर्ण अमरावती शहर प्रचंड दहशतीत होते. शहराला वाचवण्यासाठी राज्य शासनाच्या सर्व यंत्रणा अपयशी ठरल्याचा आरोप भारतीय जनता पक्षाचे वतीने करण्यात आला. या मुस्लिम मोर्चाचा निषेध म्हणून आज अमरावती शहर बंदचे आवाहन भारतीय जनता पक्षाचे वतीने करण्यात आले असून उद्या जिल्हाधिकारी कार्यालयावर मोर्चा देखील भाजप काढणार आहे व दुकाने तोडफोड करणाऱ्या आरोपींना अटक करण्याची मागणी भाजपने केली आहे.

नांदेडमध्येही बंदच्या आवाहनाला शुक्रवारी हिंसक वळण लागल्याचे पाहायला मिळाले. बळजबरीने दुकाने बंद करण्याचा प्रयत्न काहींकडून करण्यात आला, त्यानंतर घटनास्थळी पोहोचलेल्या पोलिसांच्या पथकावर दगडफेक करण्यात आली. या घटनेमुळे शिवाजीनगर परिसरात काही काळ तणावाचे वातावरण निर्माण झाले होते.