समोर आलेल्या या पत्रात राणा कपूर यांनी दिलेल्या धनादेशाचा नंबरही आहे. पेंटिंगची ही डील काँग्रेसचे तत्कालीन खासदार मिलिंद देवरा यांच्या मध्यस्थितीने झाली होती. मिलिंद देवरा यांनीच मध्यस्थी करत राणा कपूर यांना गांधी कुटुंबीयांची ओळख करू दिली होती, असं सांगण्यात येतंय. मिलिंद देवरा यांनी यासंदर्भात राणा कपूर यांना मेलही केला होता. पेंटिंगसंदर्भातच देवरा यांनी राणा कपूर यांना हा मेल केला होता. तर हे प्रकरण तापवण्याची गरज नाही, असं मुंबई प्रदेश काँग्रेसचे अध्यक्ष असलेले मिलिंद देवरा म्हणाले.
प्रियांका गांधी यांनी पेंटिंगसंदर्भात ४ जून २०१०ला राणा कपूर यांना पत्र लिहिलं होतं. ही पेंटिंग प्रसिद्ध चित्रकार एमएफ हुसेन यांनी काँग्रेसच्या शताब्दी सोहळ्यात राजीव गांधी यांनी भेट म्हणून दिली होती.
काँग्रेस-भापजमध्ये आरोप-प्रत्यारोपांच्या फैरी
राणा कपूर आणि प्रियांका गांधींमधील पत्र समोर आल्यानंतर भाजपने काँग्रेसवर निशाणा साधला आहे. गांधी कुटुंबीय काँग्रेस पक्षाला आपली मालमत्ताच समजतात. हेरॉल्ड प्रकरणातही गांधी कुटुंबाने पक्षाची संपत्ती आपल्या नावावर केली. पक्षाला मिळेलेली पेंटिंग विकून प्रियांकांनी पैसे घेतले, असा आरोप भाजपच्या आयटी सेल प्रमुख अमित मालवीय यांनी केलाय.
काँग्रेसचे उत्तर
पंतप्रधान नरेंद्र मोदींच्या नाकासमोर आधी आयडीबीआय, पीएमसी बँक आणि आता येस बँक बुडाली. या बँकांच्या आर्थिक संकटावर पंतप्रधान मोदी आणि अर्थमंत्र्यांचे वक्तव्य यायला हवे होते. पण या प्रकरणाला राजकीय रंग देण्याचा प्रयत्न केला जातोय. प्रियांका गांधींनी पेंटिंग विकल्या उल्लेख आपल्या उत्पन्नात केला आहे, असं काँग्रेस प्रवक्ते रणदीप सुरजेवाला म्हणाले. येस बँक कशी बुडाली? भाजपचा बँकेशी काय संबंध आहे? गेल्या पाच वर्षांत येस बँकेने ३३४ टक्के अधिकचे कर्ज का दिले? पक्षाला पाठिंबा मागण्यासाठी भाजपचे दिग्गज नेते आणि केंद्रीय मंत्री नितीन गडकरी राणा कपूरकडे का गेले होते? या राणा कपूरने नोटबंदी यशस्वी झाल्याचे प्रमाणपत्र सरकारला दिले होते. मग देशाला कळायला हवं येस बँक कशी बुडली ते, असं रणदीप सुरजेवाला म्हणाले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
