हायलाइट्स:
- यवतमाळ येथील शिकाऊ डॉक्टरच्या हत्येचं रहस्य उलगडलं
- क्षुल्लक कारणातून शाब्दिक वाद झाल्याने हत्या
- तिन्ही मारेकऱ्यांना पोलिसांनी केली अटक
ऋषीकेश गुलाबराव सवळे (२३, रा. महावीर नगर, यवतमाळ), प्रवीण संजीव गुंडजवार (२४, रा. सावित्रीबाई फुले सोसायटी, यवतमाळ) आणि एक विधीसंघर्षग्रस्त बालक अशी अटकेतील आरोपींची नावे आहेत.
सोशल मीडियावरून अफवा पसरण्याचा धोका; ‘या’ शहरात इंटरनेट सेवा बंद!
यवतमाळ येथील शासकीय वैद्यकीय महाविद्यालयातील एमबीबीएस अंतिम वर्षाचा विद्यार्थी असलेल्या डॉ. अशोक पाल याच्या हत्येने सर्वत्र खळबळ उडाली होती. या घटनेनंतर निवासी डॉक्टर संतापले आणि आज शनिवारपासून नागपुरात मेडिकल व मेयो येथील निवासी डॉक्टरांनी संपावर जाण्याचा निर्णय घेतला होता.
नेमकं काय घडलं?
शिकाऊ डॉक्टरच्या खुनाची तक्रार वैद्यकीय अधीक्षक डॉ. सुरेंद्र भुयार यांनी शहर पोलीस स्टेशनला दिली होती. काही विद्यार्थींनींना ३० ऑगस्ट २०२१ रोजी वसतीगृहासमोर दोन व्यक्ती लघुशंका करताना आढळल्या. यावेळी वादविवाद होऊन मारहाणही झाली होती. त्यानंतर आरोपींना पोलीस चौकीत आणले असता अटकेतील दोघांनी नावे सांगितली होती. तसंच याप्रकरणी मध्यस्थी करणारा विद्यार्थी विवेक ढोरे व मृतक अशोक पाल व इतर त्यावेळी उपस्थित होते. मात्र तेव्हा अटकेतील दोघांनी ‘यवतमाळ क्या है हम दिखा देते’अशी धमकी दिली होती.
Shiv Sena vs NCP: राष्ट्रवादीच्या कार्यक्रमावर शिवसेनेचा बहिष्कार; मंत्र्यालाही रोखले, पण…
तीन महिन्यांपूर्वी झालेल्या वादाचा वचपा म्हणून आकाश दिलीप गोफणे (२१), तुषार शंकर नागदेवते (२४) रा. वाघापूर व अन्य साथीदारांनी धारदार शस्त्राने भोकसून अशोकचा खून केल्याचा संशय असल्याचं तक्रारीत नमूद करण्यात आलं होतं. त्यावरुन पोलिसांनी खुनाचा गुन्हा नोंद करून संशयित दोघांना अटक करत त्यांचा पीसीआर मिळवला. दरम्यान पोलिसांचा तपास सुरूच होता.
पोलीस यंत्रणेचा वेगवान तपास
पोलीस अधीक्षक कार्यालय, एलसीबी, सायबर, शहर, अवधूतवाडी पोलीस स्टेशनचे सहा पथक तयार करण्यात आले. जवळपास १०० खबरी तपासकामी लावण्यात आले. एकूणच गुंतागुंतीच्या, क्लिष्ट आणि आव्हानात्मक खुनाच्या गुन्ह्याचा उलगडा करण्यासाठी संपूर्ण पोलीस यंत्रणा कामी लागली. पथकांनी मृतक, संशयित आरोपींची सखोल माहिती काढली. कौटुंबिक पार्श्वभूमी, महाविद्यालयातील मित्र, मैत्रिणी, प्रेमसंबंध, आंतरिक व बाह्य वाद आदींची चौकशी केली.
गडचिरोलीत चकमक; पोलिसांच्या गोळीबारात तब्बल २६ नक्षलवाद्यांचा खात्मा!
दरम्यान तपासामध्ये निष्पन्न झालेल्या माहितीची सांगड घालून सीडीआर, एसडीआर, डम्पडेटा, अ‍ॅनालिसीस आदी तांत्रिक विश्लेषणाद्वारे पुरावे गोळा करण्यात आले. सहा पथकांनी गोळा केलेल्या माहितीच्या आधारे ऋषिकेश, प्रवीण व अल्पवयीन मुलाला ताब्यात घेण्यात आले. सखोल चौकशी केल्यावर अखेर त्यांनी गुन्ह्याची कबुली दिली. तिघेही दुचाकीवर जात असताना डॉ. अशोकला धक्का लागला. या दरम्यान शाब्दिक वाद होऊन छातीवर, पोटाच्या खाली दोन वार करून आम्ही घटनास्थळावरुन पळून गेल्याचं त्यांनी सांगितले. पोलिसांनी गुन्ह्यात वापरलेली दुचाकी, चाकू जप्त केला.
ही कारवाई पोलीस अधीक्षक डॉ. दिलीप भुजबळ-पाटील, अपर पोलीस अधीक्षक डॉ. खंडेराव धरणे यांच्या नेतृत्वाखाली पोलीस निरीक्षक प्रदीप परदेशी, शहर ठाणेदार नंदकिशोर पंत, सपोनि अमोल पुरी, गणेश वनारे, विवेक देशमुख, खंडेराव, योगेश रंधे, बंडू डांगे, निलेश राठोड, बबलू चव्हाण, सलमान शेख, किशोर झेंडेकर, सुमित पाळेकर, अजय निंबोळकर, रोशनी जोगळेकर, गजानन शिरसागर, अमित कदम, मिलिंद दरेकर, निलेश घुसे, अलताफ शेख यांनी केली.
गुन्ह्याचा तपास करणाऱ्या टीमला एक लाखांचे बक्षीस जाहीर
यवतमाळ जिल्हा पोलीस दलातील संबंधित पोलीस अधिकारी, अंमलदार यांनी अतिशय आव्हानात्मक खुनाच्या गुन्ह्याचा उलगडा ४८ तास पूर्ण होण्यापूर्वीच केला. त्यामुळे पोलीस अधीक्षक डॉ. दिलीप भुजबळ-पाटील यांनी एक लाख रुपयांचे रोख प्रोत्साहनपर बक्षीस जाहीर केलं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
