स्फोटात ठार झालेल्या मजुरांची ओळख पटली आहे. अनंतनाग जिल्ह्यातील पहलू भागात राहणाऱ्या फयाज अहमद भट्ट आणि उतेरसू मैदफाल येथे राहणाऱ्या गुलजार अमहद खान या दोघांचा स्फोटात मृत्यू झाला. काश्मीर खोऱ्यातील लष्कराच्या सर्वात मोठ्या दारुगोळा भांडारांपैकी खुंदरू एक आहे. अशा घटना यापूर्वीही घडल्या होत्या. या दारुगोळा भांडारात २००७मध्ये आग लागली होती. त्यात अनेकांचा होरपळून मृत्यू झाला होता. अनेक दिवस ही आग धुमसत होती. शर्थीच्या प्रयत्नांनंतर ही आग आटोक्यात आली.
खुंदरू दारुगोळा भांडारातील स्फोट प्रकरणी स्थानिक प्रशासनाने पोलिसांत तक्रार केलीय. तर या प्रकरणी फॉरेन्सिक विभागाचे पथक दाखल झाले आहे. ते स्फोटाच्या कारणांचा शोध घेत आहे. दरम्यान, स्फोटात जखमी झालेल्या इतर दोन मजुरांची प्रकृती स्थिर असल्याचं पोलीस अधिकाऱ्यांनी सांगितलं.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
