हायलाइट्स:

  • कंगनाच्या वक्तव्यावरून देशभरातून संताप
  • राजस्थानमध्ये तीन जिल्ह्यांत पोलीस ठाण्यात तक्रार दाखल
  • कंगना राणावत कायद्याच्या कचाट्यात सापडण्याची शक्यता
  • कंगनाने माफी मागावी, अशी केली मागणी

जयपूर: आपल्या वक्तव्यांमुळं नेहमीच चर्चेत राहणारी बॉलिवूडची अभिनेत्री कंगना राणौत हिने ‘स्वातंत्र्या’बाबत केलेल्या एका विधानामुळं पुन्हा वादात सापडली आहे. राजस्थानमध्ये ठिकठिकाणी संताप व्यक्त केला जातोय. कंगनाविरोधात राजस्थानमधील अजमेर, जोधपूर आणि सिरोहीमध्ये तक्रारी दाखल करण्यात आल्या आहेत.

कंगनाविरोधात राजस्थानमध्ये रोष व्यक्त केला जात आहे. अजमेर, जोधपूर आणि सिरोहीत काँग्रेस पक्षाच्या नेत्यांनी तिच्याविरोधात तक्रारी दाखल केल्या आहेत. तसेच आपल्या वक्तव्यामुळे तिने माफी मागावी, अशी मागणीही केली आहे.

बोलण्यास नकार दिल्याने पतीने भर रस्त्यात केली पत्नीची हत्या; मुंबईतील घटनेने खळबळ
आमदाराच्या मुलाने आत्महत्येपूर्वी मित्रांना पाठवला मेसेज; सुसाइ़ड नोटमध्ये मम्मी-पप्पांबद्दल म्हणाला…

कंगनाने नुकतेच एका कार्यक्रमात वादग्रस्त विधान केले होते. ‘देशाला खरे स्वातंत्र्य हे २०१४ मध्ये मिळाले आहे’, असे कंगना म्हणाली होती. कंगनाच्या या विधानावरून देशभरातून विविध प्रतिक्रिया येत आहेत. तसेच काही ठिकाणी संताप व्यक्त केला जात आहे. सरकारने तिच्याकडून ‘पद्म’ पुरस्कार परत घ्यावा, अशीही मागणी होत आहे. कंगनाविरोधात अजमेरच्या सिव्हिल लाइन आणि महिला पोलीस ठाण्यात तक्रार दाखल केली आहे. त्यात कंगनावर देशद्रोहाचा आरोप केला आहे. काँग्रेसच्या महिला नेत्या रागिनी चतुर्वेदी म्हणाल्या की, कंगनाच्या या वक्तव्यामुळे देशातील सर्व शहीदांचा अवमान झाला आहे. त्यामुळे कंगनाविरोधात तक्रार दाखल केली आहे. दुसरीकडे, माजी आमदार डॉ. राजकुमार जयपाल यांनीही सिव्हिल लाइन पोलीस ठाण्यात कंगनाविरोधात तक्रार दाखल केली आहे.

सिरोहीतही गुन्हा दाखल करण्याची मागणी

महिला काँग्रेस नेत्या हेमलता शर्मा यांच्या नेतृत्वाखाली शिष्टमंडळानेही सिरोहीत कंगनाविरोधात तक्रार दाखल केली आहे. कंगनाविरोधात विविध कलमान्वये गुन्हे दाखल करण्यात यावेत, अशी मागणी त्यांनी केली आहे. जोधपूरमध्येही रोष व्यक्त केला जात असून, महिला काँग्रेस अध्यक्षांनी शास्त्री नगर पोलीस ठाण्यात तक्रार दाखल केली आहे. या प्रकरणी कंगनावर कारवाई करण्यात यावी, अशी मागणी त्यांनी केली.

बंडलबाज नवरी! अंध व्यक्तीसोबत केलं लग्न, ७ महिने संसार केला आणि मग…

असला नवरा नको गं बाई! पत्नीने तक्रार केली, पतीला खावी लागली तुरुंगाची हवा

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here