who is milind teltumbde: देशातला सर्वात मोठा नक्षलवादी ठार, वाचा कोण आहे मिलिंद तेलतुंबडे? – the biggest naxalite killed in the country read who is milind teltumbde

गडचिरोली : गडचिरोली मध्ये झालेल्या पोलीस-नक्षली चकमकीमध्ये २६ नक्षलवाद्यांचा खात्मा करण्यात आला आहे. या कारवाईमध्ये मिलिंद तेलतुंबडेसह आणखी तीन मोठ्या नक्षलवादी नेत्यांचा खात्मा झाल्याची सूत्रांची माहिती आहे. जर असे झाल्यास नक्षलवाद्यांचा आधारस्तंभ असलेल्या मोठ्या नक्षली नेत्यांचा खात्मा झाला असंच म्हणाव लागेल.

मिळालेल्या माहितीनुसार, मिलिंद तेलतुंबडे, जोगन्ना, विजय रेड्डी, संदीप दीपकराम यांचा या कारवाईमध्ये मृत्यू झाला आहे. हे चौघेही नक्षल चळवळीचे आधारस्तंभ होते.मात्र पोलिस अधीक्षक यांनी अजून याला अधिकृत दुजोरा दिला नाही. आज सायंकाळपर्यंत मृतदेह आल्यानंतर व ओळख परेड झाल्यानंतरच याबाबत अधिकृत माहिती दिली जाणार आहे.तसे आज सायंकाळी ५ वाजेपर्यंत गडचिरोलीचे पोलिस अधीक्षक अंकित गोयल पत्रकार परिषदेतून ही माहिती देणार आहेत.

दरम्यान, गडचिरोलीत काल सकाळी ग्यारापत्तीच्या जंगलात पोलीस आणि नक्षलवादी यांच्यात चकमक सुरू झाली होती. धानोरा तालुक्यात मुरुम गावाजवळील जंगलामध्ये नक्षलवादी मोठ्या प्रमाणात लपून बसले होते. पोलीस गस्तीवर आले असल्याची माहिती मिळाली. हे सर्व नक्षलवादी छत्तीसगडमधून आले असल्याची माहिती पोलिसांना मिळाली होती. त्यानंतर नक्षलवादी विरोधी पथकाने या परिसरात कोम्बिंग ऑपरेशन हाती घेतले. याच दरम्यान जवान आणि नक्षलवाद्यांमध्ये चकमक उडाली.

या चकमकीत पोलीस जवानांनी नक्षलवाद्यांचा हल्ला परतवून लावला. दिवसभर झालेल्या धुमश्चक्रीमध्ये जवानांनी मोठ्या हिंमतीने लढा देत २६ माओवाद्यांना ठार केले आहे. काल सकाळपासून सायंकाळी उशिरापर्यंत झालेल्या कारवाईत मृतक माओवाद्यांची संख्या २६ झाल्याचे पोलीस अधीक्षक अंकित गोयल यांनी स्पष्ट केले आहे.तर,या चकमकीत ४ जवान जखमी झाल्याने त्यांना उपचारार्थ नागपूर येथे हलविण्यात आले आहे.

संवेदनशील अचलपुरात भाजपच्या नेत्यांना केले पोलिसांनी स्थानबद्ध, संचारबंदी लागू
ग्यारापत्ती पोलीस ठाण्याच्या हद्दीतील मरदिनटोला जंगलात काल सकाळपासून ही चकमक सुरू होती. घनदाट जंगल असल्याने सॅटेलाईट फोनवरुन पोलीस मुख्यालय संपर्क करत होते.कसनासुर बोरीयाच्या चकमकीत २०१८ मध्ये ४० नक्षलवादी ठार झाले होते. त्यानंतरची ही मोठी कारवाई आहे. आज नक्षल्यांचे मृतदेह जिल्हा मुख्यालयात आणणार असून त्यांची ओळख पाठविले जाणार आहे. सायंकाळी पोलीस अधीक्षक अंकित गोयल हे पत्रकार परिषदेतून याबाबत अधिकृत माहिती देणार असल्याचे कळविले.

कोण आहे मिलिंद तेलतुंबडे ?

– ५० लाख रुपयांचा इनाम असलेला नक्षलवाद्यांचा सर्वात मोठा नेता.
– मावोवादी सर्वोच्च सेंट्रल कमिटीचा सदस्य.
– एलगर परिषदेतील फरार आरोपी.
– एल्गारमधील कारावासात असलेला दुसरा आरोपी डॉक्टर आनंद तेलतुंबडेचा भाऊ.
– पश्चिम भारताचे काम ज्यात महाराष्ट्र मुख्य ह्याचा प्रभारी.
– जंगल आणि अर्बन क्षेत्रातील दोन्हीवर कामाचा अधिकार.
– एमएमसी म्हणजे महाराष्ट्र, छत्तीसगड व मध्य प्रदेश तिन्ही राज्यांचा एमएमसी असा गुरीला झोन याने विकसित केला आहे.
– अँजेला सोनटक्के ही त्याची पत्नी. ही सुद्धा मावोवादी म्हणून पकडली गेली होती.
– मिलिंद हा वणी – राजुरा परिसरात लहानाचा मोठा झालेला.
– शहरी भागात मावोवादी संघटनांमध्ये दलित समाजातील तरुणांना भरती करण्याचे विशेष लक्ष.
– शस्त्र ट्रेनिंग देणे, ऑपरेशनला मान्यता देणे अशी जबाबदारी मिलिंद तेलतुंबडे सांभाळायचं.
जिल्हा बँक निवडणुकीत बड्या मंत्र्यांची प्रतिष्ठा पणाला, कोण राखणार राजकारणात वजन?