todays accident news in solapur: स्वामींचं दर्शन घेऊन निघाले तोच काळाचा घाला; जीपचा भीषण अपघात, ५ जणांचा जागीच मृत्यू – solapur accident five killed two seriously injured in jeep accident

सोलापूर : अक्कलकोटवरुन देवदर्शन करुन सोलापूरला परतणाऱ्या प्रवासी जीपचा टायर फुटून झालेल्या भीषण अपघातात ५ जण जागीच ठार तर दोन जण गंभीर जखमी झाले आहेत. शिवाय इतर प्रवासी जखमी झाले आहेत. ही घटना मंगळवारी सकाळी अकराच्या सुमारास अक्कलकोट रोड वरील गंगाप्रसाद पेट्रोल पंपासमोर घडली.

सध्या एसटी कर्मचाऱ्यांचा संप सुरू असल्याने एसटीची प्रवाशी वाहतूक बंद आहे. त्यामुळे प्रवासी खासगी जीपमधून मोठ्या प्रमाणात प्रवास करत आहेत. त्यात प्रमाणापेक्षा जास्त प्रवासी जीपमध्ये भरले जात आहेत. त्याचकारणाने हा अपघात झाल्याची माहिती समोर येत आहे.

जळगाव, नांदेडमध्ये गांजा जप्त; क्रांती रेडकर-वानखेडे म्हणते…

मंगळवारी अक्कलकोट वरून एम एच १३ ए एक्स १२३७ क्रमांकाची प्रवासी जीप निघाली गंगाप्रसाद पेट्रोल पंपा समोर आली असता या जीपचे पुढचे टायर फुटले आणि जीप पलटी झाली त्यामध्ये अनेक प्रवासी रस्त्याच्या बाहेर फेकले गेले पाच जण तर रस्त्यावर पडून जागीच ठार झाले घटनेची माहिती मिळताच पोलीस प्रशासन दाखल झाले त्यांनी सिव्हील हॉस्पिटल मधून अॅम्बुलन्स मागून घेतल्या जखमीना ताबडतोब हॉस्पिटलमध्ये हलवण्यात आले.

या अपघातात आणि प्रवासी गंभीर जखमी झाले आहेत. मयतामध्ये दोन महिला आणि तीन पुरुषांचा समावेश आहे तर २ गंभीर जखमी असून त्यांची प्रकृती चिंताजनक असल्याचे सांगण्यात आले. इतर जखमींवर सिव्हिल हॉस्पिटलमध्ये उपचार सुरू आहेत, मयतांची अद्याप ओळख पटली नाही. दरम्यान, सामाजिक कार्यकर्ते तथा नगरसेवक बाबा मिस्त्री यांनी एसटी बंद असल्याने हा अपघात झाल्याचा आरोप केला आहे.
पिंपरीत ३ वाहनांचा विचित्र अपघात; रस्त्याने विरुद्ध दिशेने नेली बुलेट अन्…, एक जागीच ठार