हायलाइट्स:

  • गुंतवणुकदारांच्या ७ कोटी ३० लाख अमेरिकन डॉलरची अफरातफर
  • ललित गोयल दिल्लीतील रिअल इस्टेट समूह IREO चा अध्यक्ष, सहसंस्थापक
  • मनी लाँडरिंग प्रतिबंध कायदा, २००२ नुसार कारवाई
  • अमेरिकेला पळून जाण्याच्या बेतात असताना अधिकाऱ्यांनी घेतलं होतं ताब्यात

नवी दिल्ली : मनी लॉन्ड्रिंग प्रकरणात कारवाई करताना अंमलबजावणी संचालनालयानं भाजप नेते सुधांशू मित्तल यांचा मेव्हणा आणि आयआरईओ ग्रुप अध्यक्ष ललित गोयल यांना मंगळवारी अटक केलीय.

चौकशीनंतर अटक

सोमवारी ललित गोयल यांना चौकशीसाठी बोलावण्यात आलं होतं. चौकशीनंतर मंगळवारी पुन्हा एकदा चौकशीसाठी त्यांना बोलावण्यात आलं होतं. आज झालेल्या चौकशीत त्यांना अटक करण्यात आली.

अमेरिकेला पळून जाण्याचा प्लान फसला

याअगोदर, ‘Pandora पेपर लीक‘ प्रकरणातही नाव आल्यानं ललित गोयल चर्चेत आले होते. अटक होण्याच्या भीतीनं अमेरिकेला निघालेल्या ललित गोयल यांना गेल्या गुरुवारी दिल्ली विमानतळाहून ताब्यात घेण्यात आलं होतं.

ईडीनं जारी केलेल्या ‘लुकआऊट’ नोटिशीच्या आधारावर दिल्लीच्या इंदिरा गांधी आंतरराष्ट्रीय विमानतळावर अधिकाऱ्यांनी गोयल यांना रोखलं होतं. अंमलबजावणी संचालनालयाच्या चंदीगड कार्यालयच्या अधिकाऱ्यांनी विमानतळावर गोयल यांची चौकशी करून त्यांना ताब्यात घेतलं होतं.
श्रेयाची पळवापळवी! मोदींअगोदरच सपाकडून पूर्वांचल एक्सप्रेस-वेचं उद्घाटन
पोलीस कोठडीत मृत्यू : २० वर्षांत १८८८ मृत्यू, केवळ २६ दोषी पोलिसांना शिक्षा
पीएमएलए अंतर्गत कारवाई

ललित गोयल यांच्याविरोधात मनी लाँडरिंग प्रतिबंध कायदा, २००२ (Prevention of Money Laundering Act, 2002 – PMLA) कायद्यांतर्गत कारवाई करण्यात येतेय. गुंतवणुकदारांच्या पैशांची अफरातफर करण्याच्या प्रकरणातही गोयल यांची चौकशी करण्यात आली.

काय आहे प्रकरण?

IREO हा दिल्ली – एनसीआर भागातील एक मोठा रिअल इस्टेट समूह आहे. ललित गोयल या समुहाचे अध्यक्ष, व्यवस्थापकीय संचालक, सहसंस्थापक आहेत. ललित मित्तल यांच्या बहिणीचा विवाह भाजप नेते सुधांशु मित्तल यांच्याशी झालाय.

२०१० साली ललित गोयल यांनी ७ कोटी ३० लाख (७३ मिलियन) अमेरिकन डॉलर वेगवेगळ्या ट्रस्टमध्ये स्थानांतरीत केल्याचं निदर्शनास आलं होतं. याच प्रकरणात अंमलबजावणी संचालनालयाचा तपास सुरू होता. हा गुंतवणुकदारांचा पैसा होता.

लखीमपूर हिंसाचार : माजी न्यायमूर्तींची नेमणूक मान्य
आपात्कालीन बैठक; आता दिल्लीत प्रदूषणामुळे ‘लॉकडाऊन’ लागणार?

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here